Ji qedera du welatiyên Kurd ên bi navên “Luqman Qadirî” û “Enver Şêxe” xelkê bajaroka “Peswê”ya girêdayê bajarê Pîranşarê ku li mehên Rezber û Xezelwera îsal, ji aliyê hêzên ewlehiyê ve hatibûne binçavkirin ti zanyariyek jiber dest tune ye.
Roja Şemî 23`ê Rêbendanê, welatiyê Kurd ê bi navê “Aso Şêxe” temen 23`ê salî, kurê “Şefî`i” û xelkê gundê “Çeşimegul”ya ser bi bajarê Şinoyê, bi danîna barimteyê heta dema dadgehîkirinê, bi awayek demkî ji girtîgehê hate azadkirin.
Roja Yekşemî 24`ê Rêbendanê, kolberekî Kurd ê bi navê “Osman Bedrî” xelkê gundê “Wanîser”a girêdayê bajarê “Selasa Bawecanî”, bi sedema teqeya hêzên leşkerî yên hikûmetê li ser sînorê bajarê Newsûdê hate birîndarkirin.
Roja Çarşemî 20`ê Rêbendanê, serbazekî Kurd ê bi navê “Mihemedsidêq Ezîzî” kurê “Luqman” û xelkê bajarê Şinoyê, ji aliyê Ewlekariya Îtila`ata Artêşê ve hatiye binçavkirin.
Roja Yekşemî 24`ê Rêbendanê, cezayê îdamkirina girtiyê Kurd ê bi navê “Museyib Ferecî” xelkê bajarê Şabadê, li girtîgeha “Dîzilava”ya bajarê Kirmaşanê, hate cîbicîkirin.
Roja Yekşemî 24`ê Rêbendanê, du welatiyên Kurd yên bi navên “Şoreş Ebdullanijad” naskirî bi Umer, temen 39 salî kurê Ebubekir û “Necimedîn Suxenwer” temen 37 salî kurê Resûl û xelkê gundê “Gergola serê”ya girêdayê bajarê Pîranşarê bona…
“Soheyla Hicab” girtiya siyasî ya Kurd digel 13 girtiyên din, li benda jinan a girtîgeha bajarê Kirmaşanê, tûşî vîrûsa Koronayê bûne.
Roja Înê 22`ê Rêbendanê,li bajarê Dîwandereyê, jinek temen 35 salî bi sedema teqîna alavên teqemenî yên bicih mayî yên li heyama şerê di navbera Îran û Îraqê de, bi awayek dijwar birîndar bû.
Roja Şemiyê 23`ê Rêbendanê, welatiyek Kurd ê bi navê “Ferzad Samanî” piştî derbazbûna 13 meh li ser nediyarbûna qedera wî, bi danîna barimteya giran ji girtîgeha bajarê Urmiyê hate azadkirin.
Roja Çarşemî 20`ê Rêbendanê, welatiyek Kurd ê bi navê “Haşim Muradî” temen 39 salî, kurê “Mistefa” û xelkê gundê “Şînavê”ya ser bi bajarê Pîranşarê, bona cîbicîkirina cezayê xwe bo girtîgeha bajarê Nexedeyê hate veguhastin.
Ajansa Nûçegihandinê ya Kurdpa
