Jîna-Mehsa Emînî û tevgera şoreşgerî ya Jin, Ziyan, Azadî ji aliyê Parlamentoya Yekîtiya Ewropayê ve weke xwediyên Xelata Mafên Mirovan a Saxarov a îsal hatin ragihandin.
Roja Çarşemî 26’ê Rezberê, Eşkan Fehîm, çalakvanê wêjeyî û çandî yê Mehabadê, ji yek ji navendên ewlehiyê yên Urmiyê bo girtîgeha vî bajarî hat veguhastin.
Tevî ku 16 roj bi ser binçavkirina welatiyê bi navê Nîma Xalidiyan yê xelkê bajarê Qorwê de derbas bûye, lê heta niha ti zanyariyên rast li derheq çarenivîsa wî de nînin.
Roja Sêşemî 25’ê Rezberê, Mehdî Qenberî temen 31 salî û xelkê Qorwê piştî gazîkirina bo Îdareya Îtila`ata vî bajarî hate binçavkirin.
Sibeha roja Çarşemî 26ê Rezberê, kolberek bi navê Ferîd Wetenî Resûl kurê Mihemed xelkê Merîwanê li sînorê vî bajarî ji aliyê hêzên leşkerî yên dewletê ve hat kuştin.
Roja Sêşemî 25’ê Rezberê, Safa Ailî xalê Jîna-Mehsa Emînî, piştî danîna barimteyê ji girtîgeha Seqizê bi awayekî demkî hate berdan.
Roja Sêşemî 25’ê Rezberê, Azad Emînî çalakvanê jîngehparêz ê bajarê Seqizê, piştî danîna barimteya 900 milyon Tûmenî, bi awayekî demkî ji girtîgeha vî bajarî hate azadkirin.
Roja Çarşemî 19’ê Rezbera 1402’an, Nasir Sergiran, parêzerê, mamostayê zanîngehê û çalakvanê mafên kêmendaman, ji aliyê hêzên ewlehiyê ve hat binçavkirin û ji bo lêpirsînê bo girtîgeha Îtla`ata Sinê hat veguhastin.
Di heyama rojên derbasbûyî de kolberekî bi navê “Bêrûz Muradî” yê xelkê bajarê Selas Bawecanî bi sebeba teqeya hêzên leşkerî yên dewletê li sînorê bajarê Pawe birîndar bû.
Roja Yekşemî 23’ê Rezberê, kolberek bi navê “Kemal Eşterî” xelkê Bokanê li sînorê “Hengejale” ya bajarê Bane ji aliyê hêzên leşkerî yên dewletê ve hat birîndarkirin.
Ajansa Nûçegihandinê ya Kurdpa
