Roja Pêncşemî berwar 24’ê Reşemê, welatiyekî Kurd bi navê Fûad Şabanî, temen 34 salî, xelkê gundê “Tengîser” a ser bi bajarê Sine, bo Îdareya Îtilaata vî bajarî hat gazîkirin û lêpirsîna wî hat kirin.
Welatiyê Kurd ê xelkê Kamiyaranê Ramîn Gorganî tevî ku ev 8 roj in bi ser binçavkirina wî re derbas dibin, hîn jî di girtîgehê de ye.
Sibeha roja Çarşemî 23`ê Reşemê, kolberê Kurd ê bi navê “Mihemed Tofîqî” temen 20 salî û xelkê gundê “Çoman” a ser bi bajarê Bane, ji aliyê hêzên leşkerî yên dewletê ve hat birîndarkirin.
Sibeha roja Sêşemî 22’ê Reşemê, kolberek bi navê “Mihemed Gence” kurê Rehman xelkê Pîranşarê, li sînorê vî bajarî bi sebeba teqeya rasterast a hêzên leşkerî yên dewletê ve hat kuştin.
Roja Sêşemî 22’ê Reşemê, welatiyê Kurd ê bi navê “Semed Şaboyî” temen 38 salî û xelkê gundê “Şahwane” a ser bi bajarê Şinoyê, bi danîna barimteya 3ê milyar Tûmenî heya dawiya dozê, bi awayekî demkî ji girtîgeha Urmiyê hat azadkirin. .
Roja Sêşemî 22’ê Reşemeyê, girtiyê siyasî yê Kurd ê xelkê bajarê Mehabadê, Erselan Xodkam, bo yekem car di heyama hepsa xwe de, ji Girtîgeha Navendî ya Urmiyê bo mirexesiyê hat şandin.
Sibeha roja Duşemî 21ê Reşemeyê, girtiyê bajarê Serable yêbi navê “Mensûr Mensûrî” li girtîgeha navendî ya Îlamê hate îdamkirin.
Roja Duşemî 21ê Reşemeyê, 3 welatiyên gundê Qirûçayê ya ser bi Dêhgolanê, yên bi navên Pêdram Hisên Penahî, Zubêyr Hisên Penahî û Ebas Hisên Penahî, bi danîna barimteyê, heta dawiya dozê ji girtîgehê hatin berdan.
Sibeha roja Duşemî 21’ê Reşemetê, girtiyê bi navê “Moîn Selahwerzî” kurê Mihemed xelkê gundê “Heft Çeşme” a ser bi bajarê Avdananê li girtîgeha navendî ya Îlamê hate îdamkirin.
Roja Yekşemî 20’ê Reşemeya 1402’an a Rojî, jinek temen 27 salî bi navê “Zîba Seyad” xelkê gundê “Hisar Kanî Spî” a ser bi Urmiyê, ji aliyê hevjînê xwe yê berê ve, bi çekê hat kuştin.
Ajansa Nûçegihandinê ya Kurdpa
