Roja Sêşemî 17’ê Rezbera 1403’an a Rojî, welatiyekî Kurd bi navê “Akam Mîhenixa” kurê Zurar xelkê gundê “Mîrava” ya ser bi bajarê Şinoyê, ji aliyê hêzên ewlehiyê ve hat binçavkirin û bo cihekî nediyar veguhastin.
Li gor rapora Rêxistina Mafên Mirovan a Îranê, sibeha roja Şemiyê 14ê Rezbera 1403an a Rojî, girtiyê Kurd ê bi navê “Eşkan Yarî” xelkê Kirmaşanê li girtîgeha navendî ya Hemedanê de hat îdamkirin.
Roja Duşemî 16’ê Rezbera 1403’an a Rojî, kolberek bi navê “Hisên Kemaliyan” xelkê Pîranşarê bi sebeba teqe û lêdana hêzên leşkerî yên hikûmetê canê xwe ji dest da û kolberek din jî bi sebeta teqekirina van hêzan bi giranî birîndar bû.
Roja Şemî 14’ê Rezbera 1403’an acRojî, Emîrhisên Heqcûyan, pismam û hevalê nêzîk yê Riza Resayî, xwepêşanderê îdamkirî, piştî danîna barimteyê ji girtîgeha navendî ya Kirmaşanê, bi awayekî demkî hat azadkirin.
Roja Şemî 14’ê Rezbera 1403’an a Rojî, Luqman Zengî temen 52 salî yê xelkê gundê “Kanî Sûrak” a ser bi bajarê Şinoyê, piştî danîna barimteya Yek milyar û 200 milyon Tûmenî, ji girtîgeha vî bajarî hat azadkirin.
Sibeha roja Çarşemî 11’ê Rezbera 1403’an a Rojî, bi navê Mewlûd Xalidiyan girtiyê xelkê bajarê Qorve li girtîgeha Qizilhisar a bajarê Kerecê hate îdamkirin.
Sibeha roja Sêşemî 10’ê Rezbera 1403’an a Rojî, du girtiyên bi navên “Nîma Muradî” û “Nesrula Mentî” xelkê Îlamê li girtîgeha navendî ya vî bajarî de hatin îdamkirin.
Welatiyekî Kurd bi navê “Îbrahîm Xîşkar” xelkê gundê “Dil” a ser bi bajarê Serwavayê û rûniştiyê bajarê Merîwanê ji aliyê dadgeha Şoreş a Merîwanê ve bi salek heps û şeş meh hepsa ragirtî hat cazakirin.
Êvariya roja Çarşemî 11’ê Rezbera sala 1403’an a Rojî, kolberek bi navê “Tariq Nezerî” kurê Mela Hatem, li sînorê Newsûdê bi sebeba teqeya rasterast a hêzên dewletê ve hat kûştin.
Roja Pêncşemî 5’ê Rezbera 1403’an aRojî, “Sohrab Awîzken” girtiyê siyasî yê xelkê Mehabadê ku di girtîgeha vî bajarî de derbaz kirina cezayê xwe ye, ji bo mirexesiyê hate şandin.
Ajansa Nûçegihandinê ya Kurdpa
