Roja Sêşemî 6ê Xezerwerê, welatiyekî Kurd yê bi navê “Husên Şêrzad” temen 27 salî û xelkê taxa “Şerîfava” ya bajarê Tikabê ji aliyê hêzên ewlehî ve hate binçavkirin û bo cihek nediyar hate veguhastin.
Roja Sêşemî 6`ê Xezelwerê, nûciwanekî temen 16 salî yê bi navê “Sîna Nîkpêy” û kurê “Kamran” xelkê gundê “Nê” ê ser bi Merîwanê ji aliyê hêzên ewlehî ve hate girtin.
Roja Sêşemî 6`ê Xezelwerê, ciwanekî Kurd yê bi navê “Eta Fetahî” temen 24 salî, kurê Mihemed û xelkê gundê “Serdûş” ê ser bi bajarê Merîwanê, ji aliyê hêzên ewlehî ve hate binçavkirin û bo cihek nediyar hate veguhastin.
Roja Sêşemî 6`ê Xezelwerê, welatiyekî Kurd yê bi navê ‘’Cemal Dûrbaş’’ di nava yek ji rezên gundê ‘’Asnavê’’ ê wî bajarî de dawî bi jiyana xwe anî.
Berpirsên Feransê dane zanîn ku 4 penaxwazên xelkê bajarê Serdeştê ku xwestine bi rêya kanala Manş bo Birîtaniya herin li nav ava wê kanalê de xendiqîne ku 2 ji wan zarok bûne.
Roja Sêşemî 6ê Xezelwerê, welatiyek Kurd yê bi navê “Ferşad Fetahî” xelkê bajarê Urmiyê piştî dawîhatina heyama lêpirsînê ji girtîgeha îdareya Îtilaatê bo girtîgeha navendî a wî bajarî hate veguhastin.
Roja Duşemî 5ê Xezelwerê, welatiyek Kurd yê bi navê “Faruq Ezîzî” kurê “Mihemed” temen 39 salî û xelkê gundê “Bêmzurtê” yê bajarê Şinoyê piştî banghêjkirin bo îdareya Îtilaatê wî bajarî hate binçavkirin.
Di rojên derbasbûyî de, îdareya Îtilaata bajarê Mehabatê, Bo heyama çend demjmêran malbata endamên Partiyên Kurdî bo navendên hikûmetî banghêj kirin û lêpirsînê ji wan tê kirin.
Rêveberê Saziya “Xorak û Derman”ê bi îşarekirin bi canjidestdana welatiyan bi sedema jehrawîbûn bi xwarina dermanan di Îranê de li heyama 8 salan ragehandiye: “Nêzî %80 ew core haletên jehrawîbûnê bi zanebûn û bi mebesta xwekujiyê bûye”.
Roja Yekşemî 4ê Xezelwerê, “Erselan Hidayetî” çalakvanê medenî ê xelkê bajarê “Qurweyê” bi awayê mercdar û karkirineke zêde li rojên dawiya girtina xwe ji girtîgeha “Dêzlava” ya bajarê Kirmaşanê hate azadkirin.
Ajansa Nûçegihandinê ya Kurdpa
