Sibeha roja Sêşemê 6ê Cozerdana 1404an a Rojî, du girtiyên bi navên "Rehîm Emîrî" û "Emîr Îbrahîmî" yên xelk Hersîn a ser bi parêzgeha Kirmaşanê li Girtîgeha Navendî ya Kerecê hatin îdamkirin.
Sibeha roja Duşemê 25ê Cozerdana1404an a Rojî, du birayên bi navê "Celal Vefayî" û "Ferdîn Vefayî" yên xelkê Bokanê ji aliyê hêzên ewlehiyê ve hatin binçavkirin û ber bi cihekî nediyar ve hatin birin.
Roja Duşemê 5ê Cozerdana 1404an a Rojî, Mamoste Berzan Melikî, pêşnimêjê înê û mamosteyê Mizgefta Şêxîn Ceme li Sine, piştî ku ji bo Dadgeha Rûhanî ya Taybet a Hemedanê hate gazîkirin û li dadgehê amade bû, hate binçavkirin.
Sibeha roja Yekşemê, 4ê Cozerdana 1404an, kolberekî Kurd bi navê "Mihemed Rehîmî", kurê Xefûr, xelkê bajarê "Banevere" ya ser bi bajarê Pawe, di encama gulebarana hêzên leşkerî yên hikûmetê de li ser sînorê Newsûd hat kuştin.
2ê Cozerdana 1404`an a Rojî, ev 13 rojin li ser binçavkirina bê sebeb a Tûfîq Emînî de derbas dibin lê hîn, ti agahî li ser çarenivîs û cihê ragirtina wî, welatiyekî Kurd ê ji Mehabadê, tune ye.
Sibeha roja Sêşemê, 30ê Banemera 1404an a Rojî, girtiyê bi navê Yûsif Îsmaîlî li girtîgeha Navendî ya Bender Ebasê hat îdamkirin.
Sibeha roja Pêncşemê 25ê Banemera 1404an a Rojî, du birayên bi navê "Ezîz Ebdullahzadeh" ê temen 33 salî û "Omîd Ebdullahzadeh" ê temen 35 salî, ji gundê "Hisyên ava" ya srer bi bajarê Bokanê, ji aliyê hêzên ewlehiyê ve hatin binçavkirin.
Sibeha roja Çarşemî, 24ê Banemera 1404an a Rojî, cezayê îdamkirina girtiyê Kurd ê bi navê "Muşîr Osmanzade", ku berê bi tohmeta "kuştina bi zanebûn" cezayê îdamê lê hatibû birîn, li girtîgeha Navendî ya Urmiyê hate bicihanîn.
Sibeha roja Çarşemî 24`ê Banemera 1404an a Rojî, girtiyê Kurd ê bi navê "Riza Mîrî" xelkê gundê Hersîn a ser bi bajarê Kirmaşanê li girtîgeha Qizil Hisar a li Kerecê hat îdamkirin.
Sibeha roja Duşemê 22ê Banemera 1404an a Rojî, cezayê îdamkirina girtiyekî Kurd ê bi navê "Mêhran Nesirîzer" ê xelkê Sine li girtîgeha Qizil Hisar a li Kerecê hat cîbicîkirin.
Ajansa Nûçegihandinê ya Kurdpa
