Roja Sêşemî 20`ê Banemerê leşkerê Kurd yê bi navê “Mihemedsidîq Ezîzî” kurê Loqman û xelkê bajarê Şinoyê bi danîna barimteyek giran ji benda leşkerî a girtîgeha Urmiye hate mirexesiyê.
Sibêdeha roja Sêşemî 20`ê Banemerê, kolberekî Kurd ê bi navê “Ferzad Necîbî” xelkê gundê “Hanîgirmele” yê girêdayê beşa Newsûd a bajarê Paweyê, bi sedema teqeya hêzên leşkerî yên hikûmetê li ser sînorê Newsûdê hate birîndarkirin.
Piştînîveroya roja Duşemî 19`ê Banemerê, çalakvanê kedkarî “Osman Îsmaîlî” piştî 9 roj ji binçavkirinê, bi danîna barimteyê ji girtîgeha bajarê Seqizê hate azadkirin.
Piştî nîveroya roja Duşemî 19`ê Banemerê, “Ferhad Mîrzayî” endamê Encûmena Sinfî a Çandî ya bajarê Şabad a girêdayê bajarê Kirmaşanê, ji aliyê hêzên ewlehî ve hat binçavkirin.
Roja Duşemî 19`ê Banemerê, li 12`emîn salvegera lisêdaredana “Ferzad Kemanger” û çar girtiyên siyasî yên din, xelkên gundê “Seravqamîşî” yê bajarê Sineyê, agir berdane kindirê sêdareyê.
Di heyama çend rojên derbasbûyî de, cezayê çalakvanê çandî yê Kurd ê bi navê “Mehmûd Nîrûmend” li girtîgeha “Vekîlava” ya bajarê Meşhedê, li dadgeha pêdaçûna parêzgeha Xorasana Rezewî, bo du sal û 8 mehan hepsa te`izîrî hat kêmkirin.
Îro Duşemî 19`ê Banemerê, çalakvanekî warê kedkarî yê bi navê “Morteza Syîdî” û xelkê bajarê Kamêranê bi danîna barimteyê ji girtîgeha Êvînê hat azadkirin.
Roja Yekşemî 18`ê Banemerê, serbazê Kurd ê bi navê “Kamyar Ebdullahî” kurê Mihemed û xelkê gundê “Qizqepan” a girêdayê bajarê Pîranşarê, dawî bi jiyana xwe anî.
Îro Yekşemî 18`ê Banemerê, mamosteyên Merîwanê piştî bangeşeya Encûmena Sinfî ya Mamosteyên Kurdistan-Merîwanê, bona piştevanîkirin ji “Eskender Lutfî û Mes`ûd Nîkxwa”, û herwisa li hember bêrêzî û sivikayetî kirinên li herdeq mamosteyan de…
“Eskender Lutfî û Mes`ûd Nîkxwa”, ji endamên birêveberiya Encûmena Sinfî ya Mamosteyên Kurdistan-Merîwanê, bo lêpirsînê bo yek ji girtîgehên ewlehî li bajarê Sineyê hatine veguhastin.
Ajansa Nûçegihandinê ya Kurdpa
