Roja Şemî 19ê Xermananê, kedkarekî nanpêjxaneyê yê bi navê “Osman Dac” naskirî bi “Şatir Osman” xelkê gundê “Nê”yê girêdayî bajarê “Merîwan”ê, û rûniştiyê wî bajarî agir berda laşê xwe.
Roja Sêşemî 15`ê Xermananê, welatiyê Kurd ê bi navê “Umîd Muradî” kurê Qadir û xelkê Nelos a girêdayî bajarê Şinoyê, bi danîna barimteyê, ji girtîgeha wî bajarî hat azadkirin.
Roja Sêşemî 15ê Xermananê, welatiyekî Kurd yê bi navê seyîd “Salar Seyîd Rehîmî” kurê “Ebdula” û xelkê gundê “Gamêş Golî” ya girêdayî bajarê “Miyandavê”, di yek ji girtîgehên ewlehî yên wî bajarê de hat azadkirin.
Di heyama rojên derbasbûyî de, keçek nûgihan ya bi navê “Ferzane Îbrahîmzade” temen 16 salî û keça “Mihemed” bi sedema dijayetîkirina malbata wê digel pêkanîna jiyana hevpar agir berda laşê xwe.
Roja Sêşemî 15`ê Xermananê welatiyê Kurd yê bi navê Selahedîn Ehmedî temen 42 salî û xelkê gundê Sîngana girêdayî bajarê Şinoyê, bi danîna barimteyê li girtîgeha wî bajarî hat azadkirin.
Şeva Şemî rêkevta 12`ê Xermananê, jinek bi navê “Şilêr Resûlî” temen 36 salî û xelkê gundê “Çeşmiyer” a girêdayî bajarê Sewlavayê û rûniştiyê bajarê Merîwanê, ji tirsa wê ku mêrek destdirêjiya sêksî neke ser, xwe ji pencereya wê malê, havêt…
Roja Sêşemî 15ê Xermananê, du welatiyên Kurd yên bi navên “Mehdî Newrozî û Aram Salihpûr” xelkê bajarê “Banê” bi danîna barimteyê li yek ji girtîgehên ewlehî yên bajarê “Sinê” hatin azadkirin.
Roja Sêşemî 15ê Xermananê, kolberekî Kurd xelkê bajarê “Seqiz”ê yê bi navê “Şoreş Başbilaxî” temen 41 salî, bi sedema teqeya hêzên leşkerî yên hikûmetê li ser sînorê “Hengejal” yê bajarê “Banê” hat birîndarkirin.
Girtiyê siyasî yê Kurd ê bi navê “Mehmûd Sadiqî” xelkê bajarê Kamêranê, ku heyama girtîgeha xwe li girtîgeha bajarê Sineyê derbas dike, ji dema binçavkirinê ve heta niha ji mafê mirexesiyê hatiye bêparkirin.
Êvareya roja Duşemî 14`ê Xermananê, kolberekî Kurd ê bi navê “Mihemed Kerîmî” xelkê gundê “Arimrde” ya girêdayî bajarê Banê, bi sedema teqîna mînê li ser sînorê “Hengejal” a wî bajarî birîndar bû.
Ajansa Nûçegihandinê ya Kurdpa
