Welatiyê Kurd yê bi navê “Hemîd Golî”, temen 46 salî û xelkê bajarê Sinê, di pêvajoya xwenîşandanan de li Tehranê bi sebeba derbên batomê yên hêzên serkutker, di nexweşxaneya Tecirîş a Tehranê de canê xwe ji dest da.
Roja Duşemî 23`ê Xezelwerê, Xebat Fedayî hunermendê Kurd yê xelkê gundê “Borîder” a ser bi bajarê Seravayê û rûniştiyê bajarê Tehranê bi danîn barmteyê û bi awayê demkî heta bidawîhatina qonaxên dadweriyê li girtîgeha Êvînê hat azadkirin.
Êvareya roja Pêncşemî 19`ê Xezelwerê, welatiyek bi navê “Erdelan Qasimî” kurê Mistefa xelkê bajarê “Gêlanxerbê”, bi sedema teqeya hêzên serkutker, li bajarê Kirmaşanê canê xwe ji dest da.
Destpêka meha Xezelwera sala 1401`an a Rojî, du welatiyên Kurd ên bi navên “Rehman Xizmetguzar” û “Elî Umerpûr” xelkê bajarê Pîranşarê, bona cîbicîkirina cezayê xwe bo girtîgehê hatin veguhastin.
Roja Şemî 21`ê Xezelwera sala 1401`an a Rojî, “Eyûb Hedîsî” endamê saziya jîngehparêzî ya bajarê Pîranşarê, bona cîbicîkirina cezayê xwe bo girtîgeha bajarê Nexedê hat veguhastin.
Koloberekî Kurd ê bi navê “Dara Şêxmuradî” xelkê bajarê “Selasa Bawecanî” di encama teqeya rasterast a hêzên hikûmeta Îranê de hat birîndarkirin.
Êvareya roja Sêşemî 17`ê Xezelwerê, kolberek bi navê “Dara Şêxmuradî” xelkê bajarê Selasa Bavacanî, bi sedema teqeya hêzên leşkerî li ser sînorê “Mîle” ya bajarê Newsûdê, hat birîndarkirin.
Îro Çarşemî 18`ê Xezelwerê, “Fayîq Mamqadirî” kurê “Resûl”, yek ji birîndarbûyên xwenîşandana bajarê Mehabadê, bi sedema kûrahiya birînan li yek ji nexweşxaneyên bajarê Urmiyê, canê xwe ji dest da.
Biryara binçavkirina demkî ya “Eskender Lutfî”, gotûbêjê Şêwreya Hevahengîkirinê ya Saziya Sinfî a Mamosteyên Îranê û endamê birêveberiya Encûmena Sinfî ya Mamosteyên Kurdistan-Merîwanê, hate demdirêjkirin.
Roja Yekşemî 15`ê Xermananê, xwenîşanderên bajarê Merîwanê bi nîşaneya nerizayetî bi kuştina “Nesrîn Qadirî” hatine ser şeqaman û siloganên dijî hikûmeta Îranê dan.
Ajansa Nûçegihandinê ya Kurdpa
