Roja Yekşemî 31’ê Banemerê, “Hêja Omîdî” çalakvanê çandî yê xelkê Melikşahî ya parêzgeha Îlamê ji aliyê hêzên ewlehiyê ve hat binçavkirin û bo cihekî nediyar hat veguhastin.
Roja Sêşemî 26`ê Banemerê, mamosta “Emîn Qeyserî”, pêşnimêjê Înê yê mizgevta gundê “Zervava Serê” yê bajarê Banê, ji aliyê hêzên ewlehiyê ve hat binçavkirin.
Roja Şemî 30’ê Banemerê, Celal Tepak welatiyê Pîranşarê piştî danîna barimeta Sê milyar û 500 milyon Tûmenî, bi awayekî demkî ji girtîgeha Nexedê hat berdan.
Welatiyê Kurd ê bi navê “Nasir Dale” kurê Osman xelkê gundê “Zeng Abad” yê ser bi navçeya “Şîn Abad” a Pîranşarê, tevî derbasbûna 9 mehan ji dema binçavkirina wî, heya niha jî di girtîgeha Nexedê de di rewşeke nexuya de ye.
Mamoste Madeh Keremî, pêşnimêjê Înê yê gundê “Hoyê” yê bajarê Sinê bo Dadgeha Taybet a Rûhaniyet a Hemedanê hat vexwendin.
Mamoste “Ebdulcebar Lotfî”, pêşnmêjê Înê yê mizgefta Îrşad Cam`i ya Sinê, careke din bo Dadgeha Taybet a Rûhaniyet a bajarê Hemedanê hat vexwendin.
Roja Pêncşemî 21ê Banemerê, kolberekî Kurd ê bi navê “Xalid Sedeqat” yê xelkê bajarê Selas Bawecanî ji aliyê hêzên leşkerî yên hikûmetê ve hat birîndarkirin.
Êvariya roja Yekşemî 24`ê Banemerê, “Mihemed Daniyalî” endamê girûpa hilbijaran a “Benar” a Avdananê ji aliyê hêzên ewlehiyê yên Dêhloranê ve hat binçavkirin.
“Sohrab Avîzken”, xwenîşanderê xelkê Mehabadê, ji aliyê dadgeha Şoreşa vî bajarî ve, bi Sê sal heps û sê sal sirgûnkirina bo bajarê Zencanê hat cezakirin.
Roja Şemiyê 23’ê Banemerê, Berdevkê Meclisa Şêwra Çalakvanên Medenî ya Yarsan û Sekreterê Eniya Yekgirtû ya Kurd Siyavaş Heyatî ji bo taya yekem ê Îdareya Cezayan a Serdozgeriya Giştî ya Şoreşa Îslamava Xerb hat şandin û ji bo cîbicîkirina…
Ajansa Nûçegihandinê ya Kurdpa
