civîna cezayê destpêkî ya mamosta Arman Sadiqî, pêşminêjî Înê yê gundê “Husênî” a bajarê Dêwolanê û rêveber û mamostayê Darululûma Mihemed Resûlullah Dêwolanê, li dadgeha pêdaçûna taybet a Rûhaniyet a bajarê Hemedanê hat redkirin.
Roja Yekşemî 11’ê Pûşperê, Pêdram Moînî, xwendekarê doktoraya civaknasiya siyasî ya Zanîngeha Zanist û Lêkolînê ya Tehranê, piştî danîna barimteya Yek milyar Tûmenî, bi awayekî demkî ji girtîgeha Sinê hat azadkirin.
Roja Pêncşemî 8’ê Pûşperê welatiyekî Kurd ê bi navê Babek Hicazî yê xelkê bajarê Seqizê ji aliyê hêzên ewlehiyê ve hat binçavkirin û bo cihekî nediyar hat veguhastin.
Di rojên derbasbûyî de girtiyê siyasî yê Kurd ê xelkê Bokanê Soran Şerîfî ji girtîgeha vî bajarî bo murexesiya dermanî hat şandin.
Welatiya bi navê Şehla Çûpanî ya temen 35 salî û keça Mihemed ji bajarê Seqizê ji bo îfadeyê birin Girtîgeha Ewlehî ya Sinê.
Girtiyê siyasî yê Kurd ê bi navê “Luqman Qadrî” kurê Ezîz xelkê Pesiwê ku di girtîgeha Urmiyê de dimîne, bi sedema nerazîbûna dozger û dezgeha îtla`ata Pîranşarê, mafê derketina derve jê hatiye standin.
Derbarê çarenivîsa Muxtar Mênberî welatiyê gundê “Niyer” a ser bi Sinê piştî 33 rojan ji binçavkirina demkî agahiyeke berfireh bi dest neketiye.
Roja Sêşemî 6`ê Pûşperê, Arman Mênberî karatekarê xelkê Sinê, bi danîna barimteya 800 milyon Tûmenî, bi awayekî demkî ji girtîgeha Îdareya Îtila`ata vî bajarî hat azadkirin.
Roja yekşemî 4`ê Pûşperê, endamê Yekîtiya Mamostayên Kurdistanê yê Dîwandere û sekreterê biyolojî, Omîd Şah Mihemedî di bin çavdêriya kelepçeyeke elektronîkî de ji girtîgeha Bîcarê hat berdan.
Roja Çarşemî 7’ê Pûşperê, Hatem Ozdemîr welatiyê Kurd yê Tirkiyê, ji girtîgeha îtla`ata Xoyê bo girtîgeha Urmiyê hat veguhastin.
Ajansa Nûçegihandinê ya Kurdpa
