Roja Duşemî 22ê Xezelwerê, welatiyekî Kurd bi navê “Soran Mehmûdî” kurê Xalid xelkê Pîranşarê, piştî danîna berimteya 3 milyar Tûmenî, bi awayekî demkî ji girtîgeha Nexedê hat azadkirin.
Serê sibê roja Çarşemî 17ê Xezelwerê, girtiyê bi navê “Elîriza Pertoyî” xelkê bajarê Senqer ya parêzgeha Kirmaşanê, li girtîgeha Dêzilava yê hate bidarvekirin. Di nava vê girtiyê de hejmara kesên di vê rojê de hatin îdamkirin derket 2yan.
Roja Yekşemî 21’ê Xezelwerê, ciwanekî bi navê “Ehsan Îsmaîlzade” temen 28 salî û xelkê Mehabadê li sînorê bajarê Bane ji aliyê hêzên leşkerî yên hikûmet ve hat birîndarkirin.
Êvariya roja Pêncşemî 18ê Xezelwerê, kolberek bi navê “Kamran Rehîmî” kurê Rehîm xelkê Baney, bi sebeba teqeya rasterast a hêzên leşkerî yên dewletê li sînorê vî bajarî birîndar bû.
Roja Çarşemî 17’ê Xezelwerê, Saman Mihemedî çalakvanê jîngehparêzî yê bajarê Sine, piştî danîna barimteya 250 milyon Tûmenî, bi awayekî demkî ji girtîgeha vî bajarî hat azadkirin.
Roja Înê, 19ê Xezelwerê, endamên Ecûmena Şêwreya Çalakvanên Medenî yên Yarsan, ên bi navên Seyîd Emîn Ebasî, Xeyrullah Heqicûyan, Pakzad Tahrî û Nûşad Tahirî, li benda kontrolê ya “Pataq” a ku 15 kîlometran dûrî rêya Serpol Zehawê ya…
Girtiyê siyasî yê Kurd ê xelkê bajarê Xoyê Xalid Zemanî ku heyama 30 salan cezayê xwe li girtîgeha Yezdê derbaz dike, ji ber nerazîbûnên Îtlaata Spaha Pasdaran, ji mafê serbestberdana bi şert bêpar hatiye hiştin û bo morexesiy ne hatiye…
Mehek bi ser binçavkirina welatiyê Merîwanê yê bi navê Yedullah Nadirî re derbas dibe lê heya niha jî li derheq rewşa wî de ti agahî nehatin bidestxistin.
Bi fermana navçeya Zîve çapxaneya “Pencere” ya bajarê pîşesazî ya bajarê Seqizê hate daxistin.
Roja Sêşemî 16ê Xezelwerê, kolberekî temen 23 salî yê bi navê “Kêyvan Îsmaîlpûr” xelkê Serdeştê bi sebeba teqeya rasterast ya hêzên leşkerî yên hikûmetê ve li sînorê vî bajarî hate birîndar kirin.
Ajansa Nûçegihandinê ya Kurdpa
