Sibeha roja Sêşemî 12ê Befranbarê, girtiyê Kurd yê bi navê Dawûd Ebdullahî, piştî 14 salan li girtîgehê, li girtîgeha Qizilhisar a bajarê Kerecê hate îdamkirin.
Roja Şemî 9’ê Befranbarê, 4 welatiyên Kurd bi navên “Yeqûb Mehmûdî Azer”, “Yûsif Rehmanî”, “Behmen Mehmûdî Azer” û “Muhsin Ezîzî” xelkê bajarê Şinoyê ji bo cîbicîkirina cezayê girtîgehê bo girtîgeha vî bajarî hatin veguhastin.
Roja Yekşemî 10’ê Rêbendanê, welatiyekî Kurd bi navê “Xoşnav Eynî” xelkê gundê “Sîngan” a ser bi bajarê Şino yê bo cîbicîkirina cezayê wî ew bo girtîgeha vî bajarî veguhastin.
Sibeha roja Şemî 9’ê Befranbarê, girtiyê bi navê “Ehmed (Ebdul) Şawalî” kurê Hisên û xelkê gundê “Îslamiye” a ser bi bajarê Sîrwan a parêzgeha Îlamê, li girtîgeha Qizilhisar a bajarê Kerecê hat îdamkirin.
Roja Şemî 9ê Befranbarê, kolberê bi navê “Ehmed Sadiqî” xelkê bajarê Seqizê, li sînorê bajarê Bane bi sebeba teqeya rasterast a hêzên leşkerî yên hikûmetê hat kuştin.
Sibeha roja Pêncşemî 7’ê Befranbarê girtiyê bi navê “Kerîm Emînîxa” yê xelkê bajarê Bokanê li Girtîgeha Navendî ya Bender Ebasê hat îdamkirin.
Roja Yekşemî 3`ê Rêbendanê, welatiyê bi navê Kawe Gevilî yê temen 37 salî û xelkê bajarê Sine, ji aliyê navenda 15 a polîs a vî bajarî ve, rastî teqeyê hat û hat kuştin.
Sibeha roja Înê 8ê Befranbarê, 4 girtiyan bi tohmeta “beşdariya di hevkariya îtlaatî û sîxuriyê de ji bo berjewendiya Îsraîlê” bi navên “Wefa Hinarê, Aram Omerî, Rehman Perhazû û Nesîm Nemazî” li Girtîgeha Navendî ya Urmiyê hatin îdamkirin.
Sibeha roja Çarşemî 6`ê Befranbarê, girtiyê bi navê “Mihemed Hesarî” xelkê Kirmaşanê li girtîgeha Bîrcendê hate îdamkirin.
Roja Çarşemî 6’ê Befranbarê, welatiyekî Kurd bi navê “Mensûr Selamet” kurê Mehkûm û xelkê gundê “Pêsan” a ser bi navçeya Tergewera Urmiyê, piştî çend demjimêran ji binçavkirinê, li girtîgeha ewlehiyê ya vî bajarî, canê xwe ji dest da.
Ajansa Nûçegihandinê ya Kurdpa
