Roja Pêncşemî 19’ê Rezbera sala 1403’an Rojî, Siyamend Hesenpûr kolberê birîndar ê xelkê Serdeştê, bi sedema kûrahiya birînên xwe li nexweşxaneya bajarê Urmiyê canê xwe ji dest da.
Sibeha roja Pêncşemî 19’ê Rezbera 1403’an a Rojî, du girtiyên bi navên “Burhan Ensarî” kurê Ehmed xelkê gundê “Qere Axac” a Urmiyê û “Esed Ferheng” kurê Ebdula xelkê Seqizê li girtîgeha navendî ya bajarê Urmiyê hat îdamkirin.
Îdrîs Karsaz temen 55 salî û xelkê bajarê Şinoyê, ji aliyê dadgeha Şoreş a vî bajarî ve, bi sê sal heps hat cezakirin.
Roja Sêşemî 17’ê Rezbera 1403’an a Rojî, welatiyekî Kurd bi navê “Akam Mîhenixa” kurê Zurar xelkê gundê “Mîrava” ya ser bi bajarê Şinoyê, ji aliyê hêzên ewlehiyê ve hat binçavkirin û bo cihekî nediyar veguhastin.
Li gor rapora Rêxistina Mafên Mirovan a Îranê, sibeha roja Şemiyê 14ê Rezbera 1403an a Rojî, girtiyê Kurd ê bi navê “Eşkan Yarî” xelkê Kirmaşanê li girtîgeha navendî ya Hemedanê de hat îdamkirin.
Roja Duşemî 16’ê Rezbera 1403’an a Rojî, kolberek bi navê “Hisên Kemaliyan” xelkê Pîranşarê bi sebeba teqe û lêdana hêzên leşkerî yên hikûmetê canê xwe ji dest da û kolberek din jî bi sebeta teqekirina van hêzan bi giranî birîndar bû.
Roja Şemî 14’ê Rezbera 1403’an acRojî, Emîrhisên Heqcûyan, pismam û hevalê nêzîk yê Riza Resayî, xwepêşanderê îdamkirî, piştî danîna barimteyê ji girtîgeha navendî ya Kirmaşanê, bi awayekî demkî hat azadkirin.
Roja Şemî 14’ê Rezbera 1403’an a Rojî, Luqman Zengî temen 52 salî yê xelkê gundê “Kanî Sûrak” a ser bi bajarê Şinoyê, piştî danîna barimteya Yek milyar û 200 milyon Tûmenî, ji girtîgeha vî bajarî hat azadkirin.
Sibeha roja Çarşemî 11’ê Rezbera 1403’an a Rojî, bi navê Mewlûd Xalidiyan girtiyê xelkê bajarê Qorve li girtîgeha Qizilhisar a bajarê Kerecê hate îdamkirin.
Sibeha roja Sêşemî 10’ê Rezbera 1403’an a Rojî, du girtiyên bi navên “Nîma Muradî” û “Nesrula Mentî” xelkê Îlamê li girtîgeha navendî ya vî bajarî de hatin îdamkirin.
Ajansa Nûçegihandinê ya Kurdpa
