Roja Duşemî 30`ê Xakelêwe, welatiyekî Kurd ê bi navê “Farûq Qazî” ê temen 24 salî yê xelkê gundê “Korere” yê ser bi bajarê Kamyaranê, ji aliyê hêzên ewlehî ve, hate binçavkirin.
Roja Şemî 11`ê Banemer, du welatiyên Kurd ên bi navên “Zagros Ebasî”, temen 22 salî û kurê Me`irûf û herwisa “Ehmed Ezîzî”, temen 26 salî û kurê “Eta” û xelkê gundê “Şiyan” ê ser bi bajarê Sineyê, ji aliyê hêzên ewlehî ve hate binçavkirin.
Roja Şemî 4`ê Banemerê, welatiyekî Kurd ê bi navê “Elî Bezazî” ê kurê “Îsmaîl” xelkê gundê “Zêwe” ê ser bi bajar Pîranşarê ji aliyê hêzên ewlehî ve hate binçavkirin.
Roja Yekşemî 12`ê Banemer, çalakvanekî kedkarî yê bi navê “Osman Îsmaîlî” yê xelkê bajarê Seqizê, ji aliyê polîsê ewlehî ve hate gazîkirin û lêpirsîn digel navbirî hate kirin.
Roja Şemî 11`ê Banemer, welatiyekî Kurd yê bi navê “Siryad Mênberî” yê 36 salî xelkê gundê “Niyer” û rûniştiyê bajarê Sineyê, ji aliyê hêzên ewlehî ve hate binçavkirin û bo cihekî nexuya hate veguhastin.
Roja Duşemî 6`ê Banemer, girtiyê siyasî yê xelkê bajarê Pîranşehrê,“Şêrko Agûşî”, ji girtîgeha bajarê Nexedeyê hate murexesiyê.
Roja Pêncşemî 9`ê Banemerê, 2 welatiyên Kurd ên bi navên “Kawe Minberî” temen 22 salî kurê “Zahîd” û “Şêrko Minberî” 34 salî kurê “Mihemed” ên xelkê gundê “Niyer” ê ser bi bajarê “Sine” ji aliyê hêzên ewlehî ve, hatine binçavkirin.
Şeva Çarşemî 8ê Banemerê, kolberekî Kurd yê bi navê “Rehmetulla Qadirnijad”, yê xelkê bajarê Merîwanê, bi sedema teqeya hêzên leşkerî yên hikûmetê, ji bilindahiyên çiyayê “Tete” li Hewramanê bi dijwarî birîndar bû.
Roja Pêncşemî 9`ê Banemerê, 2 welatiyên Kurd ên bi navên “Mihemed Resûl Rehîmî û Mihemed Bazwend” ên xelkê bajarê Kirmaşanê, bi sedema teqîna mîn li nav hesinan de, canê xwe ji dest dane.
Roja Çarşemî 8`ê Banemerê, 2 welatiyên Kurd yên bi navên “Armîn Ehmedî”, yê xelkê bajaroka Îslamabada bajarê Urmiyê û “Nîma Husênpûr” kurê “Xurşîd” ê xelkê gundê “Gunbed”ê ser bi devera “Soma û Biradost”a ser bi bajarê Urmiyê, ji aliyê…
Ajansa Nûçegihandinê ya Kurdpa
