Çend roj berî niha, penaxwazê Kurd ê bi navê “Azad Hesenî”, temen 32 salî û xelkê bajarê Pîranşehrê, bi sedemek nexuya li bajarê Amêstirdam ê ser bi Holenda dawî bi jiyana xwe anî.
Heftiyek ji binçavkirina du çalakvanê kedkar yên xelkê bajarê Seqizê, Osman Îsmaîlî û Mehmûd Salihî derbas bûye û tevî şandina dosyeyên navbiriyan bo dadgeha şoreş a wî bajarî, dema bi rê ve çûna dadgehîkirina wan hêj rohn nebûye.
Roja Înê 31`ê Banemer, welatiyekî Kurd ê bi navê “Qasim Ezîziyan”, temen 28 salî, kurê Resûl û xelkê gundê “Lec” ê ser bi bajarê Mihabadê, ji aliyê hêzên ewlehî ve hate binçavkirin.
Roja Çarşemî 29`ê Banemerê, welatiyekî Kurd ê bi navê “Rehman Xanehmedî”, piştî bi dawîhatina heyama lipêrsînê ji girtîgeha îdareya Îtla`at a bajarê Urmiyê bo girtîgeha navendî ya wî bajarî hate veguhastin.
Di çend rojên derbasboyî de, welatiyekî Kurd ê bi navê “Mihemed Arxa”, ê kurê Elî, xelkê bajarê “Yolageldî”, ya ser bi bajarê “Şot”ê, bi danîna barimteyê ji girtîgeha bajarê Makoyê hate berdan.
Roja Sêşemî 28`ê Banemer, welatiyekî Kurd bi navê “ Îbrahîm Uftade” temen 43 salî, rûniştiyê gundê “ Zêwe” yê ser bi bajarê Pîranşarê, piştî gazîkirin bo Îtla`at a Spahê, hate binçavkirin.
Dosyeya 2 çalakvanên kedkarî bi navên Osman Isma`îlî û Mehmûd Salihî, ji aliyê taya 3 a dadgeha giştî û şoreşa bajarê Seqizê bo dadgeha şoreşa wî bajarî hate şandin.
Roja Sêşemî 28`ê Banemerê, welatiyekî Kurd bi navê “Silêman Kerîmpûr”, xelkê gundê “Xur Xure”ya ser bi bajarê Mihabadê, bo cîbicîkirina cezaya xwe bo girtîgeha wî bajarî hate veguhastin.
Werzêreke temen 45 sal li dema werzêriyê de li gundê “Hesenabad”ê ser bi bajarê Şabad bi sedema teqîna mînê birîndar bû.
Şeva Duşemî 27`ê Banemerê, girtiyek ê bi navê “Emîr Rizayî”, temen 35 salî xelkê bajarê Urmiyê di encama îşkenceya dijwar a hêzên di nav girtîgeha bajarê Urmiyê de canê xwe ji dest da.
Ajansa Nûçegihandinê ya Kurdpa
