Roja Şemî 6`ê Xakelêweyê, “Selah Behramiyan” girtiyê siyasî yê xelkê gundê “Gundewêle” yê girêdayê bajarê Şinoyê piştî bi dawîhatina heyama mirexesiya wî bo girtîgeha bajarê Şinoyê hate veguhastin.
5 welatiyên Kurd ên bi navên “Rehman Esedî, Ferhad Me`irûfî, Ubeyd Enverî, Rêbwar Çarekdarî û Celal Qadirzade” xelkên bajarê Şinoyê, ji aliyê taya 1 a dadgeha Şoreş ya bajarê Şinoyê ve, bi giştî bi 13 sal girtîgeh hatine cezadan.
Roja Pêncşemî 4`ê Xakelêweyê, welatiyek Kurd ê bi navê “Eynedîn Emîrî” temen 41 salî û xelkê bajarê Kamiyaranê, bo îdareya Îtila`ata wî bajarî hate gazîkirin û lêpirsîn digel wî hate kirin.
Roja Pêncşemî 4`ê Xakelêweyê, welatiyek Kurd ê bi navê “Ne`îm Mihemedpûr” xelkê gundê “Tengîser”ê û rûniştiyê bajarê Sineyê, bo Îtila`ata Spahê hate gazîkirin.
Roja Înê 5`ê Xakelêweyê, kolberekî Kurd ê bi navê “Rostem Xizrî” temen 25 salî kurê Kemal û xelkê bajarê Şinoyê, bi sedema teqeya hêzên leşkerî yên hikûmetê li ser sînorê bajarê Baneyê canê xwe ji dest da.
Taya 1 a dadgeha bajarê “Şino” bi serokayetiya dadwer “Rezayî” welatiyek Kurd ê bi navê “Haşim Xuran” xelkê gundê “Aliyan” ê girêdayî bi devera “Deştebêl” a bajarê “Şino”yê bi 2 sal û 6 meh girtîgehê hat ceza da.
Roja Çarşemî 3`ê Xakelêweyê, welatiyek Kurd ê bi navê “Umîd Esedî” xelkê bajarê Sineyê bo Îtila`ata Spahê hate gazîkirin û lêpirsîn digel wî hate kirin.
Îro Pêncşemî 4`ê Xakelêweyê, hunermend “Adil Nadirî” xelkê gundê “Burîder” yê girêdayê Sewlava û rûniştiyê bajarê Sineyê bo Îtil`ata Spahê hate gazîkirin û bo heyama çend demjimêran lêpirsîn digel wî hate kirin.
Roja Çarşemî 3`ê Xakelêweyê, zarokek xelkê bajarê Sineyê temen 4 salî, li dema lîstin li bajarê lîstin a gola Zirêvara bajarê Merîwanê, canê xwe ji dest da.
Roja Çarşemî 3`ê Xakelêweyê, “Behram Behramî û Tahire Şimşekî”, ji binçavkiriyên rêûresma Newrozê li parka zarokan (parka Newroz) a bajarê Sineyê bi vergirtina soza nivîskî ji wan, ji aliyê hêzên ewlehî ve ji girtîgehê hatine azadkirin.
Ajansa Nûçegihandinê ya Kurdpa
