Roja Şemî 7`ê Cozerdanê, “Îrec Rehîmzade” çalakvanê jîngehparêz yê xelkê gundê “Ruwar” a girêdayî Sewlava û rûniştiyê bajarê Merîwanê, ji aliyê hêzên ewlehî ve hat binçavkirin û bo cihekî nexuya veguhastin.
Îro Şemî 7`ê Cozerdanê, kolberê Kurd yê bi navê “Ako Resûlî” temen 25 salî û kurê Rehîm û xelkê bajarê Banê, bi sedema teqeya hêzên leşkerî yên hikûmekê li ser sînorê bajarê Banê canê xwe jidest da.
Roja Çarşemî 4`ê Cozerdanê, çalakvanê jîngehparêz yê bi navê “Uswet Zerdoyî”, temen 30 salî û kurê Îbrahîm, xelkê bajarê Bayîngan a girêdayî bajarê Pawe, bi danîna barimteyê ji girtîgeha Dîzilava ya Kirmaşanê hate azadkirin.
Roja Înê 6`ê Cozerdanê, Pizîşka Kurd a bi navê “Nigîn Îbrahîmizade” keça Mensûr û xelkê gundê “Gunbed” a ser bi devera Soma ya bajarê Urmiye, piştî hewldan bo xwekujiyê canê xwe jidest da.
Sibêdeha roja Şemî 7`ê Cozerdanê, termê “Behlûl Seydanîferd” duyemîn kolberê vudabûyî yê xelkê gundê “Bavan”a girêdayê devera Mirgever a bajarê Urmiye, li bilindahiyên gundê “Gelêşim” a Tirkiyê hat peydakirin.
Roja Çarşemî 4`ê Cozerdanê, Welatiyê Kurd ê bi navê “Rêbwar Çarikdarî” piştî gazîkirina bo dadgeha Şoreş a bajarê Şinoyê hate binçavkirin û bo cîbicîkirina cezayê wî, bo girtîgeha wî bajarî veguhastin.
Roja Sêşemî 3`ê Cozerdanê, welatiyê Kurd ê bi navê “Yûsif Emînî”, temen 52 salî û xelkê gundê “Gurgawê” ya girêdayî bajarê Şinoyê, bo cîbicîkirina hukmê girtîgeha wî, bo girtîgeha wî bajarê hate veguhastin.
Roja Çarşemî 4`ê Cozerdanê, kolberê Kurd ê bi navê “Madêh Kerîmî”, xelkê gundê “Bilber” ê û rûniştiyê bajarê Merîwanê bi sedema berbûn ji bilindahiyên sînorê “Tete” a girêdayî herêma Hewramanê bi dijwarî birîndar bû.
Kanalên Telegramî ên xwecihî li bajarê Paweyê belav kirine ku, li roja Çarşemî 4`ê Cozerdanê hatinûçûnkirina li sînorê Paweyê heta demek nexuya qedexe hatiye ragihandin.
Roja Yekşemî 1`ê Cozerdanê, nûciwanê 12 salî yê bi navê “Mihemed Badire”ê kurê “Ebdulla” xelkê bajarê Merîwanê, dawî bi jiyana xwe anî.
Ajansa Nûçegihandinê ya Kurdpa
