Roja Pêncşemî 26`ê Cozerdanê, “Selah Hacîmîrzayî”, Endamê Heyeta Birêveberî yê Encûmena Sinfî ya Mamosteyên Kurdistan-Sine û Kelaterzanê, ji aliyê hêzên ewlehî ve hat binçavkirin.
Roja Duşemî 23ê Cozerdanê, “Keywan Reşozade” girtiyê siyasî yê Kurd li girtîgeha navendî ya bajarê “Urmiyê” bi nîşandana nerizayetiyê di hember dijayetîkirina berpirsên girtîgeha Urmiyê bo dana murexesiyê dest avêtibû girevê.
Roja Sêşemî 24ê Cozerdanê, welatiykî Kurd yê bi navê “Diyar Ebasî” xelkê gundê “Bereco” yê girêdayî beşa “Xelîfan” a bajarê “Mihabad”ê ji aliyê hêzên ewlehî ve hat binçavkirin û bo cihek nediyar hat veguhastin.
Roja Yekşemî 12`ê Hezîranê welatiyeke bi navê “Beyan Muradî” xelkê gundê “Marav” yê girêdayî bajarê “Kamêran”ê dawî bi jiyana xwe anî, û wê welatiyê bi sedema arîşeyên malbatî ji rêya xwe bidarvekirinê dawî bi jiyana xwe aniye.
Çarenivîsa Fath Mecîdî, mamosteyê derxistî û çalakvanê kedkarî yê xelkê bajarê Bane, ti zanyariyek ji ber dest nine û zelalnebûna çarenivîsa navbirî nigeraniya malbata wî li pey xwe aniye.
Kedkarekî şirketa dabeşkirina berqê yê bi navê “Kiyanûş Pîrî” bi sedema berqgirtinê û berbûn li bilindahiyê canê xwe ji dest da.
Roja Yekşemî 22`ê Cozerdanê, welatiyekî Kurd yê bi navê “Xelîl Eynî” xelkê gundê “Sîngan” yê girêdayî bajarê “Şino”yê, bo navenda îtilaata wî bajarî hat gazîkirin û rastî lêpêçînê hat.
Roja Şemî 21`ê Cozerdanê, welatiyekî Kurd ê bi navê “Xalid Mihemedsûrî” temen 33 salî û kurê Mistefa, piştî gazîkirin bo îdareya Îtila`ata bajarê Bokanê hat binçavkirin.
Sibêdeha roja Yekşemî 22`ê Cozerdanê, cezayê îdamkirina girtiyek bi navê “Mehdî Kiyanî” xelkê bajarê Luristanê li girtîgeha Dîzilava ya bajarê Kirmaşanê, hat cîbicîkirin.
Roja Çarşemî 18`ê Cozerdanê, welatiyeke Kurd ya bi navê “Sergul Ekberî” xelkê gundê “Heşemêz” û rûniştiyê bajaroka “Hesenava” ya girêdayî bajarê Sineyê, bi sedema pirsgirêkên malbatî ji aliyê hevjînê xwe ve hat kuştin.
Ajansa Nûçegihandinê ya Kurdpa
