“Ramîn Keremî” kurê Perwîz û xelkê bajarê Serpêla Zehawê, ku roja Çarşemî 20`ê Rezberê li meşa serhildana seranserî li bajarê Kirmaşanê, bi sedema teqeya hêzên ewlehî hatibû birîndarkirin, bi sedema kûrahiya birînan canê xwe ji dest da.
“Xebat Fedayî” piştî 25 roj ji binçav kirin, heta niha qedera navbirî li girtîgeah Êvînê nexuya ye û di vê heyamê de, tenê carekê peywendiya telefonî digel malbata xwe girtiye.
Roja Çarşemî 4`ê Rezberê, du welatiyên nerazî yên bi navên “Şoreş Îslam Skanî” û “Daryûş Xêyrî” xelkê gundê Balav yê girêdayî bajarê Urmiyê ji aliyê hêzên ewlehî ve hatin binçavkirin.
Di çend rojên derbasbûyî de kurxaletê “Jîna Emînî” yê bi navê “Îrfan Murtezayî” ku di Herêma Kurdistanê de dijî, carek din rastî gefxwarina hêzên Komara Îslamiya Îranê hat.
“Peyman Gulabî” temen 28 salî û dixtorê ajelan û xelkê bajarê Mehabadê ye, êvareya roja Çarşemî 20`ê Rezberê, bi sedema teqeya hêzên ewlehî hat birîndarkirin û piştî lêdan û îşkenceyek zêde, hat binçavkirin.
Êvareya roja Şemî 23`ê Rezberê, welatiyekî Kurd ê bi navê “Dana Mamqadirî” xelkê bajarê Mehabadê, li meşa serkutkariya kombûnên nerizayetî yên wî bajarî, bi sedema teqeya hêzên ewlehî hat birîndarkirin.
Biryara binçavkirina demkî ya girtiyê siyasî yê berê yê bi navê “Saman Xezalî” û çalakvanê medenî yê xelkê bajarê Mehabadê bo heyama 15 rojên din hate demdirêjkirin.
“Kamîl Seydanmesken” (Cebarvend), girtiyê siyasî yê Kurd û xelkê gundê “Çiryava” yê girêdayî devera Mirgewer ya ser bi bajarê Urmiyê, bi nîşaneya nerizayetî li derheq bêparkirin ji mafê mirexesiyê, gireva birçîbûnê girtî ye.
Roja Pêncşemî 21`ê Rezberê, “Waran Mihemednijad”, xwendkara karnasî ya bilind a huner li zanîngeha Yezd û endama Encûmena Çandî-Komelayetî ya “Nûjîn”ê, ji aliyê hêzên ewlehî ve hat binçavkirin û piştre bo cihek nexuya hat veguhastin.
Roja Pêncşemî 21`ê Rezberê, “Soran Xizrî”, çalakvanê medenî yê xelkê bajarê Pîranşarê, digel hevjîna xwe ya bi navê “Suheyla Ebdullahî”, ji aliyê hêzên ewlehî ve hatin binçavkirin.
Ajansa Nûçegihandinê ya Kurdpa
