“Siyaweş Heyatî” Berdevkê Encûmena Şêwreya Çalakvanên Medenî yê Yarsanan û Berpirsê Eniya Yekîtiya Kurd, bi tohmeta “kombûn û têkdana ewlehiya navxwe” bo taya Yek ya Lêpirsîna Dadgeha Giştî û Şoreşa bajarê Sehne hat gazîkirin.
Roja Duşemî 8`ê Reşemeyê, “Mirsad Derwîşî” kolberê Kurd yê xelkê bajarê Selasa Bawecanî ku bi sebeba bûyera trafîkê birîndar bibû, li nexweşxaneya Taliqanî ya bajarê Kirmaşanê canê xwe ji dest da.
Di heyama rojên derbasbûyî de, welatiyê Kurd yê bi navê “Rêbaz Temamî” yê temen 18 salî û kurê Ehmed û xelkê bajarê Bokanê, ji aliyê hêzên ewlehî ve hat binçavkirin.
Roja Duşemî 8`ê Reşemeyê, kolberê bi navê “Ferdîn Rostemnijad” yê xelkê gundê “Şemşîr” yê ser bi bajarê Pawe bi sebeba teqeya rasterast ya hêzên leşkerî yên hikûmetî li ser sînûrê Newsûdê birîndar bû.
Serspêdeya roja Yekşemî 7`ê Reşemeyê, cezayê îdamkirina girtiyê bi navê “Hemîd Rehîmî” yê xelkê bajarê Dêwolanê li girtîgeha Navendî ya Sine birê ve çû.
Roja Duşemî 1`ê Reşemeyê, girtiyê bi navê “Se`îd Selîmîfer” temen 35 salî û kurê Mistefa û xelkê gundê Siltanavaya li 35 kîlometiriya rêya Selmasê, bi xwarin heban li girtîgeha Urmiyê de dawî bi jiyana xwe anî.
Serspêdeya roja Yekşemî 7`ê Reşemeyê, 6 kolberên Kurd li rêya dinavbera Ciwanro bo Pawe li nêzî “Şebankare” bi sebeba bûyera trafîkê birîndar bûne û rewşa du ji wan nebaş hatiye ragihandin.
“Aram Azade” welatiyê Kurd yê xelkê bajarê Sinê, tevî derbasbûna mehekê li ser binçavkirina wî de, heta niha jî di girtîgehê de ye û çarenivîsa wî nediyar e.
“Xebat Fedayî” hunermendê Kurd yê xelkê gundê “Boryer” yê ser bi Serwavayê û rûniştiyê bajarê Tehranê, ji aliyê taya Yek ya Dadgeha Şoreşa bajarê Veramînê bi serokatiya dadwer “Eşikan Ramiş” bi 6 sal hepsa te`izîrî hat cezakirin.
Serspêdeya roja Çarşemî 3`ê Reşemeyê, cezayê îdamkirina girtiyê bi navê “Mihemedresûl Çolekî” yê xelkê bajarê Îwanxerbê li girtîgeha Îlamê birê ve çû.
Ajansa Nûçegihandinê ya Kurdpa
