Roja şemî 17’ê Pûşperê, Nazîla Merûfiyan, rojnamevana xelkê bajarê Seqizê û rûniştiyê bajarê Tehranê, piştî ku bo dozgeriya Êvînê hatibû gazîkirin, hate binçavkirin.
Mûsa Îsmaîlî welatiyê girtî yê xelkê Peswê ya Pîranşarê di bin îşkenceya hêzên hikûmetê yên li girtîgeha Îtla`ata Urmiyê de jiyana xwe ji dest da.
Sibeha roja Pêncşemî 15’ê Pûşperê, kolberê bi navê “Mihemed Mizrûyî” xelkê gundê “Bayncan”a ser bi navçeya Banê, bi sedema gullereşandina hêzên leşkerî yên dewleta Îranê li ser sînorê “Hengejale” bi giranî birîndar bû.
Şaho Berhem 19 salî kurê Îsa yê xelkê Şinoyê, tevî derbasbûna 9 mehan li ser binçavkirina wî, hîn jî di Girtîgeha Navendî ya Urmiyê de ye.
Roja Înê 16’ê Pûşpera 1402’an a Rojî de, li gundê “Zêwe” a Pîranşarê, keçeke temen 15 salî ya bi navê “Zîlan Îvez” ji aliyê bavê xwe ve, li gundê “Zêwe” a Pîranşarê, ji aliyê bavê xwe ve hat kuştin.
Sibeha roja Înê 16’ê Pûşperê, du endamên Partiya Demokrat a Kurdistana Îranê yên bi navên “Luqman Acî” û “Adel (Serbaz) Muhacir” li Herêma Kurdistana Iraqê ji aliyê ajanên Komara Îslamî ya Îranê ve hatin terorkirin.
Roja Duşemî 12’ê Pûşperê welatiyê Kurd yê bi navê “Heyder Nîkniya” kurê Selîm û xelkê gundê “Hekî” a ser bi navçeya Tirgewer a Urmiyê piştî ku bo îdareya Îtilaata Zêwa ya Mirgewer hatibû gazîkirin, hat binçavkirin.
Mamosta Hadî Ehmedî, wanebêj û mamostayê mizgefta Zanistên Olî ya Şems El-Arifîn a Necar a Pawe, bo Dadgeha Taybet a Rûhaniyet ya Kirmaşanê hat vexwendin.
Êvariya roja Çarşemî 14’ê Pûşperê hêzên ewlehiyê bi ser mala welatiyekî girtî yê bi navê “Hêmn Husênî” xelkê Seqizê girtin û bi bê pêşkêşkirina belgeya dadgehê lêgerîn kirin.
Roja Sêşemî 13’ê Pûşperê kolberekê bi navê “Heman Mehmûdî” xelkê gundê “Kanî Reş” a ser bi Selas Bawecanî ji ber gulleyên hêzên hikûmetê li ser sînorê Newsûdê ji aliyê çavê xwe ve bi giranî birîndar bû.
Ajansa Nûçegihandinê ya Kurdpa
