Roja yekşemî 22’ê Gelawêjê, Ziryan Melayî û Zîlan Melayî xwendekarên mîmarî yên Koleja Teknîkî ya Keçan a Sinê ji aliyê hêzên ewlehiyê ve hatin binçavkirin û bo cihekî nediyar hatin veguhastin.
Roja Yekşemî 22`ê Gelawêjê, kolberê bi navê “Erselan Resûlî” xelkê Serdeştê, li sînorê Hengejale ya bajarê Banê, ji aliyê hêzên leşkerî yên dewletê ve hat kuştin.
Roja Şemî 21’ê Gelawêjê, Hesen Deroftade bavê Komar Deroftade, yek ji qurbaniyên serhildana şoreşgerî ya Jin, Jiyan, Azadî, bo Îdareya Îtila’ata Pîranşarê hat gazîkirin û lêpirsîn jê hat kirin.
Êvariya roja Înê 20’ê Gelawêjê, Riza Bebirnejad, birayê Mehdî Bebirnejad, yek ji qurbaniyên serhildana şoreşgerî ya Jin, Jiyan, Azadî li Qoçanê, ji aliyê hêzên îtla`ata Pasdaran ve hat binçavkirin û bo cihekî nediyar hat veguhastin.
Şeva Pêncşemî 19`ê Gelawêja 1402 a Rojî, du welatiyên Kurd ên bi navên “Luqman Pîşyar û Hesen Merdanî” ên xelkê bajarê Bokanê ji aliyê hezên ewlehî ve hatine binçavkirin û bo ciheke nexuya hatine veguhastin.
Roja Şemî 14`ê Gelawêja 1402 a Rojî, ciwanekî Kurd ê bi navê “Erselan Yûsifî”, temen 29 salî û xelkê gundê “Silamet”ê ser bi bajarê Bokanê, piştî banghêjkirin bo îdareya Îtila`at a wî bajarî, hate girtin.
Di rojên derbasbûyî de welatiyekî Kurd yê bi navê “Şoreş Îbrahîmî” xelkê gundê “Gergol Jorê” ya Pîranşarê ji girtîgeha Îtilaata Pîranşarê bo girtîgeha Nexedê hat veguhastin.
Roja Çarşemî 18’ê Gelawêjê, Ferhad Navayî ciwanê 16 salî yê xelkê gundê “Terşkan” a ser bi navçeya Mehabadê ji navenda çaksaziya Urmiyê hat berdan.
Sibeha roja Çarşemî 18`ê Gelawêjê, girtiyê bi navê “Menoçêhr Xezayî” yê xelkê bajarê Kengawer a parêzgeha Kirmaşanê li girtîgeha Hemedanê hate bidarvekirin.
Sibeha roja Çarşemî 18’ê Gelawêjê, girtiyê bi navê “Ehed Haşimî” yê xelkê bajarê Hersîn a parêzgeha Kirmaşanê li girtîgeha Hemedanê hate bidarvekirin.
Ajansa Nûçegihandinê ya Kurdpa
