Ji qedera welatiyekî Kurd yê bi navê “Silêman Salik” temen 69 salî û xelkê bajarê “Mehabad”ê ku roja Sêşemî 7ê Pûşperê, ji aliyê hêzên ewlehî ve hatibû binçavkirin, ti zanyariyek serrast ji ber dest nîn e.
Roja Çarşemî 15`ê Pûşperê, welatiyê Kurd yê bi navê Peyman Selevatî, piştî bidawî hatina heyama lêpirsînê li girtîgeha îtlaata bajarê Sine bo girtîgeha navendî ya wî bajarî hat veguhastin.
Roja Şemî 18`ê Pûşperê, du welatiyên Kurd ên bi navên “Kerîm Pizîşkî û Seyîd Reşîdî” ên xelkê bajarê Baneyê, piştî derbasbûna 240 rojan li ser binçavkirinê de, bi danîna barimteyê ji girtîgeha bajarê Sineyê hatin azadkirin.
Şêwreya Sinfî ya Zanîngeha Dermansazî a bajarê Kirmaşanê ragihandiye ku, 7 mamosteyên wê zanîngehê ku endamên heyeta zanîngeha Kirmaşanê bûn li ser kar hatine derixistin.
Roja Înê 17ê Pûşperê, welatiyekî Kurd yê bi navê “Umîd Muradî” kurê “Qadir” xelkê bajarê “Nelos” yê girêdayî bajarê “Şino”yê, ji aliyê hêzên ewlehî ve hat binçavkirin û bo cihek nediyar hat veguhastin.
Roja Çarşemî 15`ê Pûşperê, girtiyekî siyasî yê Kurd ê bi navê “Metîn Hesenvend” xelkê bajarê Şinoyê, dawî bi jiyana xwe anî.
Taya 3 a Dadgeha Cezayê ya taya 1 ya li bajarê “Mehabad”ê bo azadkirina demkî ya “So`ida Xedîrzade” girtiya siyasiya Kurd ya xelkê bajarê “Pîranşar”ê brimteya 3 milyard Tumenî diyar kiriye.
Tevî bidawî hatina heyama demdirêjkirî ya binçavkirina “Umîd Şamihemedî, Hîwa Qureyşî, Perwîz Ehsenî û Kawe Mihemedzade” endamên Encûmena Sinfî ya Mamosteyên Kurdistan- Dîwandere, hîn li girtîgeha îdareya Îtilaata bajarê “Sine”yê de ne.
Roja Yekşemî 12ê Pûşperê welatiyekî, Kurd ê bi navê “Mehdî Resayî” yê temen 30 salî û kurê “Mame Reşe” û xelkê gundê “Serdoş”ê girêdayî bajarê Merîwanê, piştî gazîkirin bo îdareya Îtla`ata wî bajarî hat binçavkirin.
Roja Pêncşemî 9ê Pûşperê, du welatiyên Kurd ên bi navên “Seyîd Salar Seyîd Rehîmî” kurê “Seyîd Ebdulla” û “Hesen Mamilê Azer” xelkê gundê “Gamêş Golî” ê ser bi bajarê Miyanduavê, ji aliyê hêzên ewlehî ve hatin binçavkirin.
Ajansa Nûçegihandinê ya Kurdpa
