“Bapîr Berze” girtiyê siyasî yê berê û xelkê gundê “Çiyane” yê Pîranşarê, ji aliyê taya 102 a dadgeha duyem a cezayê ya vî bajarî, bi salek girtîgehê hat mehkûmkirin.
Roja Yekşemî 31`ê Banemerê, mamosta “Madeh Keremî”, pêşnimêjê Înê ya gundê “Hoye” a bajarê Sinê, ji aliyê Dadgeha Taybet a Rûhaniyet ya bajarê Hemedanê ve, bi salek cezayê ragirtî û 2 salan girtîgehê hat mehkûmkirin.
Sibeha roja Çarşemî 27’ê Banemerê, du girtiyên bi navên “Seîd Necefî” û “Birzo Çiqazerdî” li girtîgeha Kirmaşanê hatin bidarvekirin.
Roja Yekşemî 31’ê Banemerê, “Hêja Omîdî” çalakvanê çandî yê xelkê Melikşahî ya parêzgeha Îlamê ji aliyê hêzên ewlehiyê ve hat binçavkirin û bo cihekî nediyar hat veguhastin.
Roja Sêşemî 26`ê Banemerê, mamosta “Emîn Qeyserî”, pêşnimêjê Înê yê mizgevta gundê “Zervava Serê” yê bajarê Banê, ji aliyê hêzên ewlehiyê ve hat binçavkirin.
Roja Şemî 30’ê Banemerê, Celal Tepak welatiyê Pîranşarê piştî danîna barimeta Sê milyar û 500 milyon Tûmenî, bi awayekî demkî ji girtîgeha Nexedê hat berdan.
Welatiyê Kurd ê bi navê “Nasir Dale” kurê Osman xelkê gundê “Zeng Abad” yê ser bi navçeya “Şîn Abad” a Pîranşarê, tevî derbasbûna 9 mehan ji dema binçavkirina wî, heya niha jî di girtîgeha Nexedê de di rewşeke nexuya de ye.
Mamoste Madeh Keremî, pêşnimêjê Înê yê gundê “Hoyê” yê bajarê Sinê bo Dadgeha Taybet a Rûhaniyet a Hemedanê hat vexwendin.
Mamoste “Ebdulcebar Lotfî”, pêşnmêjê Înê yê mizgefta Îrşad Cam`i ya Sinê, careke din bo Dadgeha Taybet a Rûhaniyet a bajarê Hemedanê hat vexwendin.
Roja Pêncşemî 21ê Banemerê, kolberekî Kurd ê bi navê “Xalid Sedeqat” yê xelkê bajarê Selas Bawecanî ji aliyê hêzên leşkerî yên hikûmetê ve hat birîndarkirin.
Ajansa Nûçegihandinê ya Kurdpa
