Cezayê sepandî ya 3 sal girtîgehê bi ser xwendekarê zanista olî yê xelkê “Ciwanro”yê “Seyîd Mihemedtariq Husênî” li taya 14 a dadgeha pêdeçon a bajarê Kirmaşanê, her wek xwe hate erêkirin
Sibêdeha roja Çarşemî 31`ê Cozerdana 1402 a Rojî, cezayê bidarvekirina “Hêmin Mistefayî” yê xelkê bajarê Merîwanê, li girtîgeha navendî ya bajarê Sinê, hate cîbicîkirin.
Bavê “Sarîna Sa`idî” “Haşim Sa`idî” ku yek ji qurbaniyên serhildana şoreşgerî ya Jin, jiyan, Azadî ye, hê jî li girtîgeha Bokanê girtî ye.
Roja Yekşemî 28`ê Cozerdanê, “Hacer Seîdî”, çalakvana kedkarî ya xelkê Sinê, bi danîna barimteya 500 milyon Tûmenî, bi awayekî demkî ji navenda çaksaziya vî bajarî hat azadkirin.
Roja Yekşemî 28’ê Cozerdanê welatiyê Kurd yê bi navê “Seyd Ebdullah Ehmedpûr” temen 45 salî kurê Seyîd Tahr û xelkê Mehabadê ji aliyê hêzên ewlehiyê ve hat binçavkirin û bo cihekî nediyar hat veguhastin.
Roja Yekşemî 28’ê Cozerdanê, welatiyê Kurd yê bi navê “Şoreş Mihemedpûr” kurê Haşim û xelkê gundê “Tengîsar”a ser bi bajarê Sinê, piştî danîna barimteyê ji girtîgehê hat azadkirin.
Mamostayê Kurd ê bi navê “Seyîd Mihemed Emîn Parsa”, pêşnimêjê Înê yê mizgefta Pîranşarê ji aliyê hêzên ewlehiyê ve ji mizgeftê hat derxistin.
Roja Yekşemî 27`ê Cozerdanê, kolberekî bi navê “Muxtar Kûyk” xelkê Merîwanê piştî ku ji aliyê hêzên leşkerî ve li navçeyên sînorî yên Newsûdê hatibû şopandin, ji bilindahiyê ketibû, û birîndar bû.
Roja Şemî 27’ê Cozerdanê, “Burhan Seîdî”, çalakvanê kedkariyê yê bajarê Sinê, piştî danîna barimteya 500 milyon Tûmenî, bi awayekî demkî ji girtîgeha bajarê Sinê hat azadkirin.
Du welatiyên Kurd yên bi navên “Mihemed Îsmaîlî” û “Îsmaîl Mehmûdpûr” xelkê Pîranşarê ji aliyê taya 1 a dadgeha Şoreş a Mehabadê bi serokatiya dadwer “Emîr Ocaqlû” bi giştî 7 sal û 2 meh heps ji wan re hat birîn.
Ajansa Nûçegihandinê ya Kurdpa
