Ajansa Kurdpa: Hemwelatiyekî ereb xelkê Xuremşehr (Mehmer) a ser bi Xuzistana Îranê, bi nerazî bûn li komkirina mêywe û fêkiyên xwe ji aliyê şaredariya wî bajarî we û nebûna tu rêyên debara jiyanê, bi neçarî leşê xwe agir pêxist.

Li gor raporta ajansa nûçegihaniya kurdpa, roja şemî 14’ê Sibata 2015’an, Yunus Esakire temen 34 sal û xelkê Mehmerê, di bertek dan bi xirabkirina mekanê firotina mêweyên xwe; (wek yeke cihê debara jiyanê), bi rêya xwe şewitandinê hember şaredariya bajarê navborî, nerazî bûna bêhîvîtiyê nîşan da.

Ew welatiyê ereb bi sedema kûr bûna birînan û şewitîna dijwar, bo nexweşxaneya Taliqanî a Ehwazê hat veguheztin ku bijîşkan rewşa giştî a wî giran wesifandine.

Yunus Esakirê (34) salî bi sedema bertek dan bi helwesta şaredariyê agir berda leşê xwe

Tê gotin, memûrên şaredariyê bi fermana waliyê bajarê Mehmerê dikana bi naylonan hatî çêkirin ya wî çerçiyê ereb xirab kiribûn ku vê yekê jî pevçûn navbera karbidestên şaredarî û çeriçiyan de derxistibû holê.

Waliyê Mehmerê bo vekirina rê ser Karwanên Nûr (taktîka leşkerî a eskerên Îmam Mehdî), ji şaredarî (belediyê) xwestibû, cihên debara jiyanê û dikanên demkî ên çerçiyên derdorê berhev bike ku vê yekê jî bertekdanên dijwar bi pey xwe hiştibû.

Biryara waliyê bajarê Mehmerê ligel berteka tund a Yunus Esakire rû bi rû bû û wî di encamê de agir berda leşê xwe ku niha bi winda kirina sedî 70 ji tendurustiya xwe li nexweşxaneya Taliqanî a Ehwazê, bin çavdêriya pizîşkî de ye.

Hêjayî gotinê ye Bihara Erebî bi bûyreke wiha li Tunîsya pêkhat. Bi xwekuştina picarfiroşekî di meydana bajarekî Tunîsiya, li çendîn welatên erbî şoreş û serhildan çê bû û sîstema wan hikûmetan hat guhertin.