Roja Çarşemî 10`ê Banemerê, li nêzîbûna roja cîhanî ya Kedkaran, Îtila`ata Spaha Pasdaran li bajarê Sine du çalakvanên Kedkarî û du kesên din ên bi navê, “Mizefer Salihniya” digel hevjîna wî bo wê navendê gazî kirin û lêpêçîn digel wan kir.
Welatiyekî Kurd yê xelkê bajarê Şinoyê yê bi navê “Zurar Peyxamî”, bi sedema kuştina welatiyekî din, hegera lisêdaredana wî di girtîgeha bajarê Urmiyê de, li gorê de ye.
Sibêdeha îro Duşemî 8`ê Banemer, hepsiyek bi navê “Keywan Ellahmuradî” xelkê gundê “Bilwanava” a ser bi bajarê Dêwulanê, bi tawana “kuştina bi zanebûn” di girtîgeha navendî a bajarê Sineyê de hate îdamkirin.
Roja Şemî 6`ê Banemer, welatiyek bi navê “Cemîl Xadim” yê temen 42 salî, ji sêrêya “Sêro” a ser bi bajarê Urmiyê, ji aliyê hêzên ewlehî ve hatiye binçavkirin û bo cihekî nexuya hatiye veguhastin.
Efşîn Husênpenahî, çalakvanê medenî û jîngeparêz û hepskirî di girtîgeha navendî a bajarê Sineyê de, ber lêxweşbûna bi merc ket û ji girtîgehê hate azadkirin.
Roja Şemî 6`ê meha Banemerê, “Biryar Kawe”, hepsiyê siyasî ê Kurd xelkê gundê “Nê” a ser bi bajarê Merîwanê bi danîna barimteyê bo heyama deh rojan hate mirexesiyê.
Sibêdeha Îro roja Înê 5`ê Banemer, du hepsî bi tawana “kuştina bi zanebûn”ê yên bi navên “Ebdulwahid Feyzî û Peyam (Ramyar) Muxlis” xelkê bajarê Baneyê, di girtîgeha navendî a bajarê Sineyê de hatine Îdamkirin.
Du hepsiyên Kurd yên bi navên “Cemal Yusifî” xelkê gundê “Muşîr Ava” û “Husên Îbrahîm Hemze” kurê “Ebdulah” û xelkê gundê “Qeregol” a ser bi bajarê Bokanê, heyama çar sal e qedera wan nexuyaye.
Roja Çarşemî, 3`ê Banemer, cezaya îdamkirina “Luqman Ehmedpûr”, xelkê bajarê Banê, hepsiyê tawanbar bi “kuştina bi zanebûn”, di girtîgeha navendî ya bajarê Sineyê de hate cîbicîkirin.
Hepsiyek Kurd ê bi navê “Husên Heyderî”, bi hewla çalakvanê medenî û welatiyan li sêdarê rizgar bû.
Ajansa Nûçegihandinê ya Kurdpa
