Roja Sêşemî 30`ê Xermananê, Du welatiyên Kurd ên bi navên “Sîrwan Erxevanî”, kurê Xudakerem û “Ferzad Sadiqiyan”, kurê Hebîb, xelkê gundê “Tengîser” ê ser bi bajarê Sineyê, ji girtîgeha wî bajarî hatine azadkirin.
Sibêdeha roja Duşemî 29`ê Xermananê, du kolberên Kurd ên bi navên “Alîşan Ehmedî”, temen 15 salî û “Sozdar Ehmedî”, temen 21 salî, xelkê gundê “Koran” ê ser bi devera Soma û Biradosta bajarê Urmiyê, li encama teqeya hêzên artêşa Tirkiyê li…
Roja Duşemî 29`ê Xermananê, kolberekî Kurd ê bi navê “Burhan Yûsifî”, xelkê bajarê Selasa Bavacanî, li encama teqeya hêzên leşkerî yên hikûmetê li ser sînorê Newsûdê, hate birîndarkirin.
Roja Yekşemî 28`ê Xermananê, welatiyekî Kurd ê bi navê “Hesen Qudretî”, temen 45 salî, kurê Hacî Xizir û rûniştiyê bajarê Şinoyê, ji aliyê hêzên ewlehî ve hate binçavkirin.
Sibêdha roja Sêşemî 30`ê Xermananê, cezaya îdamkirina welatiyekî Kurd ê bi navê “Erşed Cûdet Rebet (Cûdetiyan)”, kurê Medenî û xelkê gundê “Şeşmal” ê ser bi bajarê Urmiyê, li girtîgeha Zencanê hate cîbicîkirin.
Hêzên leşkerî yên hikûmeta Îranê di heyama kêmtir ji du heftiyên derbasbûyî de li ser sînorên Merîwan, Bane û Serdeşt, 4 kolberên Kurd kirine amanca teqeyên xwe yên rasterast û kuştine.
Roja Înê 26`ê Xermananê, welatiyekî Kurd ê bi navê “Mihemed Birûkî”, temen 26 salî, kurê Mecîd û xelkê gundê “Cigen” ê ser bi bajarê Makûyê, li encama teqeya hêzên leşkerî yên hikûmetê canê xwe ji dest da.
Şeva Înê 26`ê Xermananê, kolberekî Kurd ê bi navê “Şoket Qurbanî”, kurê Êvez û xelkê gundê “Dizawer” ê ser bi bajarê Nodşeyê, di dema kolberiyê de bi sedema sekinîna dil, canê xwe ji dest daye.
Di heyama Çend rojên derbasbûyî de, welatiyekî Kurd ê bi navê “Ramîn Ramîn”, xelkê gundê “Qarnê” yê ser bi bajarê Nexedeyê, piştî bi dawîhatina heyama lêpirsîna wî li yek ji girtîgehên ewlehî yên bajarê Urmiyê, bo girtîgeha bajarê Mihabadê…
Roja Pêncşemî 25ê Xermananê, kolberekî kurd ê bi navê “Mihemedemîn Qadirî, kurê Salih û xelkê Baneyê bi sedema teqeya hêzên leşkerî yên hikûmetê li sînorê “Meran”ê ya wî bajarî, canê xwe ji dest da.
Ajansa Nûçegihandinê ya Kurdpa
