Roja Yekşemî 8ê Gelawêjê, “Mihemed Çûkel” hunermendê nîgarkêş û rêveberê galiriya “Çûkel” li bajarê Urmiyê ji aliyê hêzên ewlehî ve hat binçavkirin û bo cihek nexuya hat veguhastin.
Waran Mihemednejad, xwendekara Zanîngeha Hunerê ya Yezdê û endama Rêxistina Çand û Civakî ya Nûjîn, ji aliyê Dadwerê Taya Yekem ê Dadgeha Şoreşê ya bajarê Sinê ve, Seîdî, salek girtîgehê hat cezakirin.
Roja Duşemî 9’ê Gelawêjê, Rêbwar Ebdullahî, çalakvanê xelkê bajarê Sinê, bi danîna barimteya 500 milyon Tûmenî, bi awayekî demkî ji girtîgeha îdareya îtla`ata vî bajarî hate azadkirin.
Roja duşemî 2ê Gelawêjê, Hozan Babakeremî, Mesûd Mîrzayî û Îbrahîm Mîrzayî çalakvanên medenî yên bajarê Sinê ji aliyê hêzên ewlehiyê ve hatin binçavkirin.
Roja Şemî 7`ê Gelawêjê, çalakvanê jîngehparêz ê Ciwanroyê Yasir Nûrî ji aliyê hêzên ewlehiyê ve hat binçavkirin û bo cihekî nediyar hat veguhastin.
Êvariya roja Şemiyê 7’ê Gelawêjê, kolberê bi navê “Teyb Xosrewî” xelkê gundê “Tîn”a ser bi Pawe, bi sedema ketina ji bilindahiyê li sînorê Newsûdê birîndar bû.
Du kolberên bi navên “Hêmn Xosrewî” xelkê Merîwanê û “Rizgar Mewlûdzade” xelkê Bane, piştî gullereşandina leşkerî yên dewletê yên li ser sînorê “Hengejale” a bajarê Bane, birîndar bûn.
Roja Pêncşemî 5ê Gelawêjê, Berhodar Bayram, derhênerê dokûmantera xelkê bajarê Amedê yê Kurdistana Tirkiyê, çend demjimêran li bajarê Mehabadê ji aliyê hêzên ewlehiyê ve hat binçavkirin.
Tevî ku 16 roj bi ser binçavkirin Arman Nîkpey re derbas bûye, lê heta niha ti zanyariyên rast derbarê çarenivîsa wî welatiyê xelkê gundê “Neyî” a Merîwanê de nînin.
Roja Çarşemî 4’ê Gelawêjê welatiyê bi navê “Mihemedhusên Hasilî” xelkê bajarê Serabax a bajarê Avdanan, ji aliyê hêzên ewlehiyê ve hat binçavkirin û bo cihekî nediyar hat veguhastin.
Ajansa Nûçegihandinê ya Kurdpa
