Ajansa Kurdpa: Kirîza du golên Urmiye û Zirêbar li rojhilatê Kurdistanê, wan du çavkaniyên xwezayî û dilveker, ji xeyalên karesatê ber bi rastiyan ve dibe. îhtimala çûna navê Zirêbar û Urmiye di nav lîsteya reş a “Montêro”roj pey roj zêdetir dibe.

Li gorî raporta ajansa nûçegihaniya Kurdpa, tevî hişdariyên bi salan ên çalakiyên jîngehparêz Li Kurdistanê û cîhanê, du golên xwezayî ên Zirêbar li Merîwan û Urmiyeya rojhilatê Kurdistanê, ber bi sînorê ziwabûnê diçin.

“Montêro”bajarekî Siwisraya Ewropa ye ku hemû gol û deryayên ku ji holê rabûne û ber bi sînorê hişikbûnê ve diçin, navê wan di nav lîsteyeke reş tomar dike û cem xwe dihêle.

Roja 2’ê Şibat (February),bi roja gol û behrên cihanê hatiye naskirin. Bi belavbûna raportên tayber liser pirsa du deryaçeyên Urmiye û Zirêbar (li hindik medya û malperên cîhanî), rewşa kirîza wan golane hatiye piştrast kirin.

Encûmena Kesk a Çiya li Merîwana rojhilatê Kurdistanê, raportek liser vê pirsê belav kir û got: Zirêbar jî mimkin e wek golên din yên Îranê bi navên Şorgol, Şadikan, Hamûn Enzelî û hwd... here nava lîsteye reş a Monêtro de.

Gola Urmiyê ji sedî 90 ava wê zuha bûye

Heyamek beriya niha karzanên jîngehparêzî, qamûşên derdora Zirêbarê, ji sedemên sereke ên hişkbûnê wê golê binav kiribûn.

Her liser vê pirsê, rojnameya “Ciwan” a ser bi hikûmeta Îslamiya Îranê, li nûtirîn hejmara xwe de, behsa îhtimala çûna navê goha Urmiyê li nav lîsteya reş a “Monêtro” kiribû.

Li gorî gotinên karzan û pisporan, çêkirina pira liser deryayê, saz kirina barajan, kêmavî û hişiksalî, nêçîra neyasayî, çêkirina pirojeyên avakirinê nêzî golê, hanîna cûneyên hov ên ajalan bi hinceta zêdebûnê û perwerde kirnê (li derdora golê) , bûna petrolê nêzî deryayê û hwd... ji sedemên hişk bûna behra Urmiyê dizanin.

Nûçegihaniya “Îrna” di raportekî de ragihandibû ku ji hezar gol û deryayên welatê Îranê, 800 gol di bin rewşa kirîzê de dimînin.