بەیاننامەی رێکخراوی مافی مرۆڤی کوردستان لەمەڕ دەستبەسەر کردنی هاووڵاتییانی کورد

١٣٩١/١٢/٢١ - ١١-٠٣-٢٠١٣ - ١٠:٠٤ تارانچاپكردنی ئه‌م بابه‌ته‌ژماره‌ی بینینی بابه‌ت٥١٢ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

بەیاننامەی رێکخراوی مافی مرۆڤی کوردستان لەمەڕ دەستبەسەر کردنی هاووڵاتییانی کوردئاژانسی کوردپا: رێکخراوی مافی مرۆڤی کوردستان لە بەیاننامەیەکدا خوازیاری ئازاد کرانی بێ ئەملاولای دەستبەسەر کراوانی ئەوم دواییانەی هاووڵاتییانی کورد لە ناوچە کوردنشینەکانی ئێران بوو.

رێکخراوی مافی مرۆڤی کوردستان لەو بەیاننامەیەدا وێڕای بەداخ بوونی خۆی لەمەڕ هاتنە ئارای ئەو دۆخە هەنووکەییە، داوای لە بەرپرسانی حکوومەتی کردووە کە بێ ئەملاولا ئەو دەستبەسەر کراوانە ئازاد بکەن.

نوسخەیەک لەو بەیاننامەیە بۆ ئاژانسی کوردپا نێردراوە کە لێرەدا وەک خۆی بڵاو دەکرێتەوە:

لە درێژەی رەوتی دەستبەسەر کردنی رۆژنامەنووسان لە ناوچە جیاجیاکانی ئێران لە ماوەی حەفتەکانی رابردوودا، شەپۆلی ئەو دەستبەسەر کردنانە ناوچە کوردنشینەکانی ئێرانیشی گرتەوە و رێژەیەکی بەرچاو لە هاووڵاتیانی کورد وەک: رۆژنامەنووسان، چالاکانی مافی مرۆڤ، ژنان، کرێکاری، خوێندکاری و هونەرمەندان لە ماوەی چەند رۆژی رابردوودا لە شارەکانی سنە، مەهاباد، نەغەدە، شنۆ و پاوە دەستەبسەر کراون.

لە ماوەیەدا خوسرەو كوردپور، مەسعوود کوردپوور، كەیهان عەزیزی‌، داود غەففاری، وەفا قادری، خالید حوسێنی، بێهزاد فەرەجولڵاهی، حامید مەحموود نژاد، قاسم ئه‌حمه‌دی‌، ره‌سول خزر مروه‌ت، فه‌رزاد سامانی‌، فارۆق سامانی‌‌، مەنوچیهر پوردل، موختار ئەحمەدی‌، بەختیار و فەردین رەسولی ‌و یاسر كاكایی، کەیوان شێخی، کامڕان عوسمانی، شەهاب ئەحمەدی ئازەر ناسراو بە "مەمێندی"، قادر داستان و رەحیم فتوحی و بابەک عەباسی دەستبەسەر کراون.

بەپێی دواین هەواڵ و زانیارییەکان ئەو دەستبەسەر کراوانە هەتا ئێستاش لە گرتووخانەکاندا لەلایەن هێزە ئیتلاعاتییەکانەوە لە ژێر لێپرسینەوەدان و درێژەی ئەم رەوتە نیگەرانیی لای بنەماڵەی دەستبەسەر کراوان لەمەڕ چارەنووسی رۆڵەکانیان دروست کردووە.

ئێمە وەک رێکخراوی مافی مرۆڤی کوردستان وێڕای دەربڕینی نیگەرانیی و بەداخبوونی خۆمان لەمەڕ ئەو دۆخە هەنووکەییە، بەداواداچوون پێویست بۆ پەروەندەی ئەو دەستەبسەر کراوانە دەکەین و داوامان لە بەرپرسانی حکوومەتی ئەوەیە کە بێ ئەملاولا ئەو دەستبەسەر کراوانە ئازاد بکەن.

رێکخراوی مافی مرۆڤی کوردستان
دووشەممە رێکەوتی ٢١ی رەشەممەی ١٣٩١
Balatarin

نوێترین هەواڵ


١٣٩٨/٠٤/٠٣ - ٢٤-٠٦-٢٠١٩ - ١٢:٥٣ تاران

ژنە هاووڵاتییەکی سەردەشت، ئاگری لە جەستەی خۆی بەردا

١٣٩٨/٠٤/٠٢ - ٢٣-٠٦-٢٠١٩ - ١٢:١٨ تاران

هاووڵاتییەکی کورد "ممنو‌ع ‌الخروج" کرا

١٣٩٨/٠٤/٠٢ - ٢٣-٠٦-٢٠١٩ - ١١:٤٦ تاران

تەقینەوەی "تی ئێن تی"، گیانی جۆشکارێکی کوردی ئەستاند

١٣٩٨/٠٤/٠١ - ٢٢-٠٦-٢٠١٩ - ١٣:١٤ تاران

دەسکورتی، کۆڵبەرێکی لە چارەسەریی پزیشکی بێبەری کرد

١٣٩٨/٠٣/٣١ - ٢١-٠٦-٢٠١٩ - ١٢:٤٢ تاران

جێگیرکردنی چەکوچۆڵی قورس لە سنووری شاری پیرانشاردا

١٣٩٨/٠٣/٣٠ - ٢٠-٠٦-٢٠١٩ - ١٢:٥٠ تاران

ژن و پیاوێک لە زیندانی ڕەجایی شاردا، ئێعدام کران

١٣٩٨/٠٣/٢٩ - ١٩-٠٦-٢٠١٩ - ١٧:٢٦ تاران

لاوێکی کورد لە نزیک زانکۆی ورمێ دەسبەسەر کرا