ئێران ئیزنی بە نووسەران و رۆشنبیران نەدا بەشداری فێستیڤاڵی گەڵاوێژ بن

- ٢٣-١١-٢٠١١ - ٠٩:٥٣ تارانچاپكردنی ئه‌م بابه‌ته‌ژماره‌ی بینینی بابه‌ت٩٤١ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

ئێران ئیزنی بە نووسەران و رۆشنبیران نەدا بەشداری فێستیڤاڵی گەڵاوێژ بنكوردپا: لایەنە ئەمنیەتی و پێوەندیدارەكانی حكوومەتی ئیسلامیی ئێران ئیزنیان نەدا نووسەران و رۆشنبیرانی كورد و فارس لە ئێرانەوە بەشداری پازدەیەمین فێستیڤاڵی ئەدەبی و رووناكبیریی گەلاوێژ لە هەرێمی كوردستان بن.

سەرچاوەیەكی ئاگادار لە فێستیڤاڵی گەلاوێژ كە نەیویست ناوی ئاشكرا بكرێت بە ئاژانسی هەواڵدەریی كوردپای راگەیاند:" كۆمەڵێك لە ئەدیب و نووسەری ناوداری ئێرانی "فاس و كورد" كە بە شێوەی فەرمی بانگهێشتی پازدەیەمین فێستیڤاڵی ئەدەبی و رووناكبیریی گەلاوێژ كرابوون، لایەنە ئەمنیەتییەكانی حكومەتی ئیسلامیی ئێران لە فڕۆكەخانەی تاران و سنوورە فەرمییەكان پێشیان بە هاتنی ئەو كۆمەڵە نووسەرە گرتووە و بەبێ‌ هۆ نەیانهێشتووە بەشدار بن".

ئەو سەرچاوەیە ئاماژەی بەوەش دا كەلە رێگای حەراسەتی وەزارەتی فەرهەنگ و ئیرشادی ئیسلامیی ئێران و هەروەها ناوەندە ئەمنیەتییەكانیشەوە ئەو نووسەرانە ئاگادار كراونەتەوە كە نابێ‌ بە هیچ لەونێ‌ بەشداری فێستیڤاڵی گەلاوێژ بن و هەروەها پێیان راگەیاندوون ئەگەر بێت و هەر كەسێك بەشداری بكات، بەرەنجامی یاسایی بۆی دەبێت.

بەپێی كاتالۆگی بەرنامەكانی فێستیڤاڵی گەلاوێژ چەندین نووسەر و شاعێری ناوداری ئێرانی وەك: سەید عەلی ساڵحی، محەممەد عەلی سەپانلوو، رەسووڵ یۆنان، گراناز مووسەوی و... بڕیار بوو بەشداری فێستیڤاَلی گەلاوێژ بن كە رێیان لێگیراوە.

فێستیڤاڵی ئەدەبی و رووناكبیریی گەلاوێژ هەر ساڵە لە سێ‌ بواری شێعر، چیرۆك و لێكۆڵینەوەدا لەلایەن بنكەی ئەدەبی رووناكبیریی گەلاوێژەوە لە شاری سلێمانی بەڕێوە دەچێت كە پازدەیەمین خولی ئەم فێستیڤاڵە دوێنێ‌ سێشەمە رێكەوتی 1ی سەرماوەز دەستی پێكرد و ماوەی چوار رۆژ دەخایەنێت.

وێنە : PUK میدیا
Balatarin

نوێترین هەواڵ


١٣٩٨/٠٣/٢٦ - ١٦-٠٦-٢٠١٩ - ١٩:٠٥ تاران

بونیادی شەهید، دۆسیەی دوو بەرکەوتووی مینی ڕەت کردەوە

١٣٩٨/٠٣/٢٦ - ١٦-٠٦-٢٠١٩ - ١٢:٥٧ تاران

سپای پاسداران، چەکوچۆڵ دەگوازێتەوە بۆ شاری کامیاران

١٣٩٨/٠٣/٢٥ - ١٥-٠٦-٢٠١٩ - ١٧:٣٤ تاران

زەوتکردنی کەلوپەلی کاسبکاران لە پاوەدا

١٣٩٨/٠٣/٢٥ - ١٥-٠٦-٢٠١٩ - ١٢:٤١ تاران

سێ کۆمەڵە کتێبی هۆنراوەی منداڵان بڵاوکرایەوە

١٣٩٨/٠٣/٢٤ - ١٤-٠٦-٢٠١٩ - ١٣:٠٤ تاران

ژنێکی لاوی کامیارانی کۆتایی بە ژیانی خۆی هێنا

١٣٩٨/٠٣/٢٤ - ١٤-٠٦-٢٠١٩ - ١٢:١٨ تاران

کارەباگرتوویی، گیانی کرێکارێکی کوردی ئەستاند

١٣٩٨/٠٣/٢٣ - ١٣-٠٦-٢٠١٩ - ١٣:٤٢ تاران

KMMK – G خوازیاری ئازادیی بێمەرجی "زارا محەمەدی" بوو

١٣٩٨/٠٣/٢٣ - ١٣-٠٦-٢٠١٩ - ١١:٣٢ تاران

مامۆستایەکی مەریوانی بە کەفاڵەت ئازاد کرا

١٣٩٨/٠٣/٢٢ - ١٢-٠٦-٢٠١٩ - ١٢:٢٥ تاران

کرێکارانی شارەداریی شنۆ مانیان گرتووە