١٢ ژن لە ماوەی ٣ مانگدا لە کرماشان، بەهۆی بەکارهێنانی ماددەی سڕکەر گیانیان لەدەست داوە

١٣٩٨/٠٤/٢٧ - ١٨-٠٧-٢٠١٩ - ١٢:٠٤ تارانچاپكردنی ئه‌م بابه‌ته‌ژماره‌ی بینینی بابه‌ت٧٦ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

١٢ ژن لە ماوەی ٣ مانگدا لە کرماشان، بەهۆی بەکارهێنانی ماددەی سڕکەر گیانیان لەدەست داوەئاژانسی کوردپا: لە ماوەی سێ مانگی یەکەمی ئەمساڵدا، ٨٢ هاووڵاتی بەهۆی بەکارهێنانی ماددەی سڕکەر لە شاری کرماشاندا، گیانیان لەدەست داوە کە لەو ٨٢ کەسە، ١٢ کەسیان ژن بوون.

بەڕێوەبەری پزیشکی یاسایی پارێزگای کرماشان لەو بارەیەوە سەبارەت بە دیاردە کۆمەڵایەتییەکان لەو شارە، باسی لە گیانلەدەستدانی ٨٢ کەس کرد کە بەهۆی بەکاربردنی ماددەی سڕکەر، گیانیان لەدەست داوە.

بە وتەی "سەلیم خانی"، لە ماوەی سێ مانگی یەکەمی ئەمساڵدا، ٧٠ پیاو و ١٢ ژن لە پارێزگای کرماشان، بەهۆی ماددەی سڕکەرەوە گیانیان لەدەست داوە.

ناوبراو هەروەها ئاماژە بە زۆربوونی دیاردە کۆمەڵایەتییەکان کرد و ڕایگەیاند: "لە سێ مانگی یەکەمی ئەمساڵ، ١١هەزار و ٢٠٩ کەس، سەردانی پزیشکی یاسایی کردووە و لەو ڕێژەیەش ٧ هەزار و ٧٣٤ کەسیان پیاو و ٣ هەزار و ٤٧٥ کەسیان لە ژنان بوون".

"سەلیم خانی" هەروەها ڕایگەیاند: "بەهۆی شەڕ و لێدان لە یەک تری، ٤ هەزار و ٤٦٢ کەس لە پزیشکی یاسایی سکاڵایان تۆمار کردووە کە لەو ڕێژەیە، ٣ هەزار و ١٧٢ کەسیان پیاو و ١٠٠٠ و ٢٩٠ کەسیشیان ژن بوون".

بەرپرسی گشتیی پزیشکی یاسایی پارێزگای کرماشان، هەروەها ئاماژەی بە ڕوودانی ڕووداوی کار لەو پارێزگایە کرد و ڕایگەیاند: "لە سێ مانگی یەکەمی ئەمساڵدا، ١٥١ پیاو و دوو ژن بوونەتە قوربانیی ڕووداوی کار".

ناوبراو هەروەها بەمجۆرە ئاماژەی بە گیانلەدەستدانی هاووڵاتییان لە سێ مانگی یەکەمی ئەمساڵدا کرد: کوژرانی ٤ کەس بەهۆی "چەکی سارد"، ٦ کەس بەهۆی "گازگرتوویی"، ١١ کەس کە حەوت کەسیان پیاو و ٤ کەسیان ژن بوون بەهۆی "خۆکوژی"، بەهۆی خواردنی قورسی برنج، ٥ پیاو و ٥ ژن ژەهراوی بوون، ٢٢ کەس کە ١١یان پیاو و ١١یان ژن بوون بەهۆی "سووتاوی" و ٤ پیاو و ٣ ژن بەهۆی "کارەباگرتوویی".
Balatarin

نوێترین هەواڵ


١٣٩٨/٠٥/٣١ - ٢٢-٠٨-٢٠١٩ - ١٧:٢٥ تاران

کرێکارێکی بۆکانی لە شاری "چوار بورج" خنکا

١٣٩٨/٠٥/٣١ - ٢٢-٠٨-٢٠١٩ - ١٢:١٧ تاران

"محەممەد نەزەری" نامەیەکی بڵاو کردەوە

١٣٩٨/٠٥/٣١ - ٢٢-٠٨-٢٠١٩ - ١٢:٠٨ تاران

کتێبفرۆشیی "هەنار" لە شاری ئیلام داخرا

١٣٩٨/٠٥/٣١ - ٢٢-٠٨-٢٠١٩ - ١١:٣٤ تاران

هاووڵاتییەکی کورد لە شاری سنە دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٧:٤٩ تاران

هاووڵاتییەکی دیکە لە شاری دەماوەند دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٢:١٢ تاران

هەڵەی پزیشکی، گیانی ژنێکی دووگیانی ئەستاند

١٣٩٨/٠٥/٢٩ - ٢٠-٠٨-٢٠١٩ - ١٣:١٠ تاران

سێ هاووڵاتیی کورد لە شاری دەماوەند دەسبەسەر کران

١٣٩٨/٠٥/٢٩ - ٢٠-٠٨-٢٠١٩ - ١١:٢٧ تاران

دوو لاوی مەریوانی دەسبەسەر کران

١٣٩٨/٠٥/٢٨ - ١٩-٠٨-٢٠١٩ - ١٣:٠٧ تاران

قامکەکانی دەستی کۆڵبەرێک دەقرتێنرێت