کوژرانی زیندانییەکی سیاسی لە زیندانی فەشافوویە لە ئێراندا

١٣٩٨/٠٣/٢٢ - ١٢-٠٦-٢٠١٩ - ١٢:١٨ تارانچاپكردنی ئه‌م بابه‌ته‌ژماره‌ی بینینی بابه‌ت١٧٩ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

کوژرانی زیندانییەکی سیاسی لە زیندانی فەشافوویە لە ئێراندائاژانسی کوردپا: زیندانییەکی سیاسیی خەڵکی گەڕەکی "نازیئاوا"ی شاری تاران، لە زیندانی فەشافوویە، بە دەستی دوو زیندانیی دیکە کوژرا.

بەپێ ڕاپۆرتە بڵاوکراوەکان، ڕۆژی دووشەممە، ٢٠ی جۆزەردان، زیندانییەکی سیاسی بە ناوی "عەلیڕەزا شیرمحەمەدی"، تەمەن ٢١ ساڵ، خەڵکی نازیئاوای شاری تاران، لە ئەنجامی هێرشی دوو زیندانیی ئاسایی دیکە بۆ سەر ناوبراو، لە زیندانی فەشافوویە کوژرا.

ئەو دوو زیندانییە بە "چەقۆ" هێرشیان کردووەتە سەر ئەو زیندانییە سیاسییە و شادەمار و زکیان بڕیوە. هەروەها پێش لە گەیشتن بە نەخۆشخانە، ئەو زیندانییە سیاسییە گیانی لەدەست دا.

ئەو دوو زیندانییە کە بە کوشتنی "عەلیڕەزا شیرمحەمەدی" تاوانبارن، بە هۆی کڕین و فرۆشتنی مادەی هۆشبەر لە زیندانی فەشافوویەدا بوون.

ئەو زیندانییە سیاسییە ساڵی ڕابردوو، بە هۆی چالاکی لە فەزای مەجازی دەسبەسەر و بە تۆمەتی "بێڕیزی بە پیرۆزەییەکان، بێڕێزی بە دامەزرێنەری ئێران، بێڕێزی بە ڕێبەر و پڕوپاگەندە دژی نیزام"، بە ٨ ساڵ زیندانیی تەعزیری مەحکووم کرابوو.

عەلیڕەزا شیرمحەمەدی لە دوایین نامەیدا ڕوو بە خەڵک دەڵێت: "من لەسەر مافویستی زیندانی کراوم، نە لەسەر بکوژبوون و تاڵانکەریم."

ماڵپەڕی "هێرانا" سەبارەت بە کوژرانی ئەو زیندانییە سیاسییە بڵاوی کردووەتەوە کە دەسپێڕاگەیشتنی ئەو دوو تاوانبارە، بە "شتێکی تیژ" و کرانەوەی ژووی تاکەکەسیی ئەو زیندانییە سیاسییە ڕووداوێکی نائاسایی دێتە بەرچاو و هەروەها بێدەنگیی بەرپرسانی زیندانی فەشافوویە لەو ڕووداوە، پرسی کوژرانی ئەو زیندانییەی لێل و گۆماناوی وەسف کردووە.

هەتاکوو ئێستا بەرپرسانی زیندانی فەشافوویە، لەو پەیوەندییەدا هیچ لێدوانێکیان نەداوە و بێدەنگییان هەڵبژاردووە و ئەمەش نیگەرانی و گومانی لای چالاکانی مافی مرۆڤ و هەروەها ناوەندەکانی مافی مرۆڤ، سەبارەت بە چارەنووسی زیندانییانی سیاسیی دیکە دروست کردووە.
Balatarin

نوێترین هەواڵ


١٣٩٨/٠٦/٠١ - ٢٣-٠٨-٢٠١٩ - ١٤:١٣ تاران

ئێران چەکێکی نوێی لەیزریی دروست کرد

١٣٩٨/٠٦/٠١ - ٢٣-٠٨-٢٠١٩ - ١٤:٠٧ تاران

کۆڕێک لەژێر ناوی "سیاسەت و بیرەوەری" بەڕێوەچوو

١٣٩٨/٠٥/٣١ - ٢٢-٠٨-٢٠١٩ - ١٧:٢٥ تاران

کرێکارێکی بۆکانی لە شاری "چوار بورج" خنکا

١٣٩٨/٠٥/٣١ - ٢٢-٠٨-٢٠١٩ - ١٢:١٧ تاران

"محەممەد نەزەری" نامەیەکی بڵاو کردەوە

١٣٩٨/٠٥/٣١ - ٢٢-٠٨-٢٠١٩ - ١٢:٠٨ تاران

کتێبفرۆشیی "هەنار" لە شاری ئیلام داخرا

١٣٩٨/٠٥/٣١ - ٢٢-٠٨-٢٠١٩ - ١١:٣٤ تاران

هاووڵاتییەکی کورد لە شاری سنە دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٧:٤٩ تاران

هاووڵاتییەکی دیکە لە شاری دەماوەند دەسبەسەر کرا

١٣٩٨/٠٥/٣٠ - ٢١-٠٨-٢٠١٩ - ١٢:١٢ تاران

هەڵەی پزیشکی، گیانی ژنێکی دووگیانی ئەستاند

١٣٩٨/٠٥/٢٩ - ٢٠-٠٨-٢٠١٩ - ١٣:١٠ تاران

سێ هاووڵاتیی کورد لە شاری دەماوەند دەسبەسەر کران

١٣٩٨/٠٥/٢٩ - ٢٠-٠٨-٢٠١٩ - ١١:٢٧ تاران

دوو لاوی مەریوانی دەسبەسەر کران

١٣٩٨/٠٥/٢٨ - ١٩-٠٨-٢٠١٩ - ١٣:٠٧ تاران

قامکەکانی دەستی کۆڵبەرێک دەقرتێنرێت