نەورۆزانەی ڤەژین بەردەوامە

١٣٩٧/١٢/٢٩ - ٢٠-٠٣-٢٠١٩ - ١٠:٤٢ تارانچاپكردنی ئه‌م بابه‌ته‌ژماره‌ی بینینی بابه‌ت٢٠٢ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

نەورۆزانەی ڤەژین بەردەوامەئاژانسی کوردپا: ناوەندی فەرهەنگی ـ هونەریی ڤەژین، لە شاری مەریوان، لە گوند و ناوچەکانی ئەو شارە بە شێوەی جۆراوجۆر لە بەڕێوەبردن و پێشوازیی لە جێژنی نەورۆز بەردەوامە.

بەپێی هەواڵی گەیشتوو بە ئاژانسی هەواڵدەریی کوردپا، ئەندامانی ناوەندی فەرهەنگی ـ هونەریی ڤەژین، لە بەڕێوەبردنی ڕێوڕەسمی تایبەت بۆ پێشوازیی لە جێژنی نەورۆز و هاتنی سەری ساڵی نوێ، لە شار و گوندەکانی شاری مەریوان بەردەوامن.

لە دوایین چالاکیی ئەو ناوەندەدا، ئەندامانی ئەو ناوەندە فەرهەنگی ـ هونەرییە لە گوندی ولەژێر بۆ پێشوازیی لە جێژنی نەورۆز چالاکییان بەڕێوە برد.

لەو ڕێوڕەسمەدا، وێڕای بڵاوکردنەوەی کتێب، هەڵکردنی ئاگری نەورۆز، بە شایی و هەڵپەڕکێی کوردەواری بەرەو پیریی ئەو بۆنەوە چوون.

پێشتریش ئەو ناوەندە، لە ڕێوڕەسمی دیکەی تایبەت بە نەورۆز، کە لە گەڕەکی "بەهاران" و لقی گوندی "شارانی" بەڕێوە چووە، بە نووسینی دروشمی تایبەت وەک: "نەورۆزمان پێکەوبوونمانە، خوێندن بە زمانی دایکی یەکەم هەنگاوە بۆ دادپەروەریی کۆمەڵایەتی" و هەروەها بڵاوکردنەوەی کتێبی کوردی بەسەر منداڵاندا، پێشوازییان لە نەورۆز کرد.

ڕۆژی یەکشەممەش، ٢٦ی ڕەشەمە، یەکەمین چالاکیی ڤەژین، لەژێر ناوی "نەورۆزانەی ڤەژین"، بە دروشمی؛ "بە تیشکی ئاگر دەنووسین جەژنە پیرۆزە"، بەرەو پیریی نەورۆزەوە چوون.

لەم چالاکییەدا، کە به دروشمی "بە تیشکی ئاگر دەنووسین جەژنە پیرۆزە"، لە قوتابخانەی سەرەتاییی "ڕزوان"، لە شاری مەریوان بەڕێوە چوو، لەم ڕێوڕەسمەدا کتێبی منداڵان بەسەر ٣٨٠ قوتابیی سەرەتایی دابەش کرا.
Balatarin

نوێترین هەواڵ


١٣٩٨/٠٤/٠٥ - ٢٦-٠٦-٢٠١٩ - ١٨:٠٨ تاران

دەسبەسەرکردنی هاووڵاتییانی شنۆیی بەردەوامە

١٣٩٨/٠٤/٠٥ - ٢٦-٠٦-٢٠١٩ - ١٧:٠٦ تاران

ئیتلاعاتی سپا، هاووڵاتییەکی شنۆیی دەسبەسەر کرد

١٣٩٨/٠٤/٠٥ - ٢٦-٠٦-٢٠١٩ - ١٣:٠٧ تاران

برینداربوونی کۆڵبەرێکی دیکەی بانەیی

١٣٩٨/٠٤/٠٥ - ٢٦-٠٦-٢٠١٩ - ١٢:٠٣ تاران

کۆڵبەرێکی کورد بە ٨٠ ملیۆن تمەن جەریمە سزا درا

١٣٩٨/٠٤/٠٥ - ٢٦-٠٦-٢٠١٩ - ١١:٥٢ تاران

دەسگێڕێک لە شاری مەهاباد، کۆتایی بە ژیانی خۆی هێنا

١٣٩٨/٠٤/٠٤ - ٢٥-٠٦-٢٠١٩ - ١٢:٠٧ تاران

گواستنەوەی چەکوچۆڵ لە شاری نەغەدە بۆ شنۆ

١٣٩٨/٠٤/٠٣ - ٢٤-٠٦-٢٠١٩ - ١٢:٥٣ تاران

ژنە هاووڵاتییەکی سەردەشت، ئاگری لە جەستەی خۆی بەردا

١٣٩٨/٠٤/٠٢ - ٢٣-٠٦-٢٠١٩ - ١٢:١٨ تاران

هاووڵاتییەکی کورد "ممنو‌ع ‌الخروج" کرا