ئەماکن دەستی بە سەر کارتی هونەرمەندانی کامیارانی بۆ نەورۆز داگرت

١٣٩٧/١٢/٢٢ - ١٣-٠٣-٢٠١٩ - ١٢:١٥ تارانچاپكردنی ئه‌م بابه‌ته‌ژماره‌ی بینینی بابه‌ت١٨٩ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

ئەماکن دەستی بە سەر کارتی هونەرمەندانی کامیارانی بۆ نەورۆز داگرتئاژانسی کوردپا: ئیدارەی ئەماکنی شاری کامیاران، دەستی بەسەر کارتی هونەرمەندانی گۆڕانیبێژی ئەو شارە، هەتا کۆتایی نەورۆز داگرتووە.

بەپێی ڕاپۆرتی گەیشتوو بە ئاژانسی هەواڵدەریی کوردپا، ئیدارەی ئەماکنی شاری کامیاران، لە ڕێگای پەیوەندیی تەلەفوونییەوە لەگەڵ هونەرمەندانی ئەو شارە، داوای لێکردوون کە کارتی هونەرمەندیی خۆیان بەو ناوەندە حکوومەتییە بدەن.

بە وتەی سەرچاوەیەکی ئاگادار، ئەم هەوڵەی ئیدارەی ئەماکنی شاری کامیاران بۆ پێشگرتن لە بەشداریکردنی هونەرمەندانی ئەو شارە، لە ڕێوەڕەسمی نەورۆز دایە.

ئەو سەرچاوەیە هەروەها دەڵێت: "ئیدارەی ئەماکنی شاری کامیاران بە هونەرمەندانی ڕاگەیاندووە کە کارەتەکەی خۆیان هەتا کۆتایی ڕێوڕەسمی نەورۆز ڕادەستی ئەو ناوەندە حکوومەتییە بکەن و لەم ماوەیەدا، بۆیان نییە، بەشداری لە ڕێورەسمی نەورۆز بکەن."

ئەو سەرچاوەیە ئەوەشی دووپات کردەوە، ئیدارەی ئەماکن بە هونەرمەندانی کامیارانی ڕاگەیاندووە، لە ئەگەری بەشداریکردن لە ڕێوڕەسمی نەورۆز، بەپێی لەگەڵ یاسا لەگەڵ ئەوان هەڵسووکەوت دەکەین.

لەو پەیوەندییەدا، شۆرای گوندی "پاڵنگان" لەژێر گوشاری ئیدارەی ئیتلاعاتی شاری کامیاران بە بڵاوکردنەوەی ڕاگەیەندراوێک، ڕێوڕەسمی جێژنی نەورۆزی پاڵنگانیان هەڵوەشاندەوە.

ناوەندی هاوکاریی حیزبەکانی کوردستانی ئێران بە بۆنەی هاتنی سەری ساڵ و نەورۆز لە کوردستاندا کەمپەینێکی لەژێر ناوی "نەورۆز، سەمای ئازادی" وەڕێخستووە کە ناوەندە ئیتلاعاتییەکان، لە دژکردەوە بەو کەمپەینە، خەریکی دروستکردنی ترس و دڵەڕاوکێ لە نێو خەڵکدان دەستیان به دەسبەسەر کردنی چالاکانی کورد کردووە.
Balatarin

نوێترین هەواڵ


١٣٩٨/٠٣/٠٣ - ٢٤-٠٥-٢٠١٩ - ١١:٠٧ تاران

دەسبەسەرکردنی سێ چالاکی مەدەنی لە سنەدا

١٣٩٨/٠٣/٠٢ - ٢٣-٠٥-٢٠١٩ - ١٦:٥٤ تاران

ئازادیی کاتیی خوێندکارێکی کورد بە دانانی بارمتە

١٣٩٨/٠٣/٠٢ - ٢٣-٠٥-٢٠١٩ - ١٢:٤٨ تاران

وەرگەڕانی تەراکتۆر، جووتیارێکی کردە قوربانی

١٣٩٨/٠٣/٠٢ - ٢٣-٠٥-٢٠١٩ - ١٢:١٩ تاران

هاووڵاتییەکی کوردی خوراسانی دادگایی کرا

١٣٩٨/٠٣/٠٢ - ٢٣-٠٥-٢٠١٩ - ١١:٤٢ تاران

زنیدانییەکی کورد لە دەست سێدارەوە ڕزگاری بوو

١٣٩٨/٠٢/٣١ - ٢١-٠٥-٢٠١٩ - ١٨:٢٧ تاران

گەردەنەی تەتە پاش شەش مانگ کرایەوە