ڕێکخراوی دادپەروەری بۆ ئێران: بێتاوان خۆنیشاندانی کۆماری ئیسلامی لە تێرۆری میکۆنۆسدا، بە پشتبەستن بە گێڕانەوەکانی تێرۆریستێک

١٣٩٧/١١/١٧ - ٠٦-٠٢-٢٠١٩ - ١١:١٣ تارانچاپكردنی ئه‌م بابه‌ته‌ژماره‌ی بینینی بابه‌ت٢٢٦ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

ڕێکخراوی دادپەروەری بۆ ئێران: بێتاوان خۆنیشاندانی کۆماری ئیسلامی لە تێرۆری میکۆنۆسدا، بە پشتبەستن بە گێڕانەوەکانی تێرۆریستێکئاژانسی کوردپا: بیاڤی هونەری ڕێکخراوی بانگەشەی ئیسلامی حکوومەتی ئێران، کتێبێکی سەبارەت بە تێرۆری میکۆنۆس بە پشتبەستن بە گێڕانەوەکانی کازم دارابی، یەکێک لە مەحکوومکراوانی تێرۆری میکۆنۆس بڵاو کردەوە.

ڕۆژی دووشەممە، ٢٥ی ڕێبەندان، کتێبی "نقاشی قهوەخانە"، سەبارەت بە تێرۆری میکۆنۆس بە پشتبەستن بە گێڕانەوەکانی کازم دارابی، ڕێکخەری عەمەڵیاتی تێرۆری میکۆنۆس ڕوونوێنی کرا و دارابی ئیدعای ئەوەی کردووە، کە ناوبراو و دەوڵەت لەو تێرۆرەدا، دەستیان نەبووە.

کازم دارابی، بە بەشداریی لە پریسکۆنفڕانسێکدا بۆ ناساندنی ئەو کتێبە وتوویەتی: دەزگای قەزایی، ڕۆژنامەکان و بەرپرسانی ئەوکاتی وڵاتی ئاڵمان تەواوی هەوڵی خۆیان دا، کە تێرۆری ڕێستۆرانی میکۆنۆس بخەنە ئەستۆی من. گرینگ ئەوە بووە کە تەنیا یەک ئێرانی لەو کارە بە تاوانبار ناسێندرا و لە ڕاستیدا، ئامانج بەرپرسان و نیزامی ئێران بوو.

ڕێکخراوی دادپەروەری بۆ ئێران دژکردەوەی خۆی سەبارەت بە ئیدعاکەی کازم دارابی نیشان دا و ڕایگەیاندوو: "ئەو ئیدعایە لە کاتێکدا باس دەکرێ کە لە ماوەی دادگاییەکی چەند ساڵە، دادگای میکۆنۆس بە پشتبەستن بە دوایین "ڕاوێژەکان" دەرکەوتووە کە "تێرۆریستان" بۆ ئەنجامدانی "تێرۆر"، لە ماڵی کازم دارابی تەگبیریان کردووە. ناوبراو بە زیندانی هەتاهەتایی مەحکووم کراوە. ئەم دادگایە، هەروەها بە ئاشکرا وەزارەتی ئیتلاعاتی بە بەرێوەبەری ئەنجامدانی ئەو عەمەڵیاتە تێرۆریستییە ناوزەد کرد.

هەروەها ئەو ڕێکخراوە مافی مرۆڤییە، بڵاوکردنەوەی ئەم کتێبەی هەوڵێک بۆ "بێگوناحبوونی کۆماری ئیسلامی لە تێرۆری میکۆنۆس" زانیوە.

تێرۆری میکۆنۆس لە ٢٦ی خەرمانانی ساڵی ٧١ی هەتاویدا، لە ڕێستۆرانتێکدا هەر بەم ناوە لە شاری برلین ڕووی دا، کە لەو ڕووداوەدا دوکتور سادق شەرەفکەندی سکرتێری ئەوکاتی حدکا، فەتاح عەبدولی نوێنەری ئەم حیزبە لە ئورووپا، هۆمایوون ئەردەڵان نوێنەری حدکا لە وڵاتی ئاڵمان و نووری دێهکوردی چالاکی سیاسی تێرۆر کران.

دادگای میکۆنۆس لە ماوەی ٣ ساڵدا، بە گرتنی ٢٤٧کۆبوونەوە و هەروەها شایەتیدانی ١٧٦ کەس لەسەر دۆسییەی تێرۆر لە ڕێستۆرانی میکۆنۆسی ئەنجام دا و حکوومەتی ئێرانی بە "تێرۆریزمی دەوڵەتی" مەحکووم کرد.
Balatarin

نوێترین هەواڵ


١٣٩٨/٠٥/٢٨ - ١٩-٠٨-٢٠١٩ - ١٣:٠٧ تاران

قامکەکانی دەستی کۆڵبەرێک دەقرتێنرێت

١٣٩٨/٠٥/٢٧ - ١٨-٠٨-٢٠١٩ - ١٣:١٢ تاران

کامیل ئەحمەدی لە بوونی "پارێزەر "بێبەرییە

١٣٩٨/٠٥/٢٦ - ١٧-٠٨-٢٠١٩ - ١٢:١٩ تاران

٥ هاووڵاتی لە شاری پیرانشار دەسبەسەر کران

١٣٩٨/٠٥/٢٦ - ١٧-٠٨-٢٠١٩ - ١٢:١١ تاران

هاووڵاتییەکی کورد بۆ زیندانی ورمێ ڕاگوێزرا

١٣٩٨/٠٥/٢٥ - ١٦-٠٨-٢٠١٩ - ١١:٢٣ تاران

تەقینەوەی مین، چەند سەر ئاژەڵی ماڵیی کردە قوربانی

١٣٩٨/٠٥/٢٤ - ١٥-٠٨-٢٠١٩ - ١٧:٤٥ تاران

چارەنووسی سێ هاووڵاتیی کورد ناڕوونە

١٣٩٨/٠٥/٢٤ - ١٥-٠٨-٢٠١٩ - ١١:١٣ تاران

ماددەی سڕکەر، ساڵانە گیانی ٣ هەزار کەس دەستێنێت

١٣٩٨/٠٥/٢٣ - ١٤-٠٨-٢٠١٩ - ١٨:٣٤ تاران

کرێکارێکی ڕەبەتی بووە قوربانیی ڕووداوی کار

١٣٩٨/٠٥/٢٣ - ١٤-٠٨-٢٠١٩ - ١٢:٠٤ تاران

کاسبکارێکی کورد لە شاری سەردەشت بریندار بوو