دەسبەسەرکرنی لێکۆڵەرێکی کورد لە کرماشان

١٣٩٧/١١/٠٤ - ٢٤-٠١-٢٠١٩ - ١٦:٣٢ تارانچاپكردنی ئه‌م بابه‌ته‌ژماره‌ی بینینی بابه‌ت٢٠٠ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

دەسبەسەرکرنی لێکۆڵەرێکی کورد لە کرماشانئاژانسی کوردپا: لێکۆڵەرێکی کورد لە کرماشان، لە لایەن هێزە ئیتلاعاتییەکانەوە دەسبەسەر کرا و بۆ گرتنگەی ئیتلاعاتی ئەم شارە ڕاگوێزرا.

بەپێی هەواڵی گەیشتوو بە ئاژانسی هەواڵدەریی کوردپا، ڕۆژی دووشەممە ۱ی ڕێبەندان، هێزە ئیتلاعاتییەکان هێرشیان کردووە سەر ماڵی لێکۆڵەرێکی کورد به ناوی "ناسر ئەمینیخا" دانیشتوی دەوڵەتاوای شاری کرماشان و ناوبراویان دەسبەسەر کردووە.

بەوتەی سەرچاوەیەکی ئاگادار لە کرماشانەوە، هێزە ئیتلاعاتییەکان پاش پشکنینی ماڵەکەی ئەم لێکۆڵەر کوردە، کامپیوتێر و کەلوپەلی تایبەتی ناوبراویشیان لەگەڵ خۆ بردووە.

ناسر ئەمینیخا چالاکی فەرهەنگی و توێژەر لە بواری شوێنەوارناسییە و دوایین لێکۆڵینەوەی بە هاوکاری زانکۆی کۆپێنهاگن لە تەپەی خەیبەر لە روانسەر بووە، هەروەها بەرهەمی لێکۆڵینەوە و موتاڵای مەیدانی لە بواری فەرهەنگی و کەونینەناسی لەسەر ناوچەی هەورامان و بەشەکانی تری کوردستان و ئێران هەبووە.

ناوبراو خاوەنی چەندان وتاری زانستی لە بابەت کەونینەناسی و شوێنەوارەوەیە کە بە زمانەکانی کوردی و فارسی و ئینگلیزی، بڵاو کراونەتەوە؛ ئەمینیخا خاوەنی دوو کتێبی بە نرخە لە سەر هەورامان ناسی کە یەکیان لە سەر فەرهەنگ و مێژووی هەورامان و کتێبێکیشی لە سەر شوێنەوارەکانی هەورامان و کرماشانە.

ئەم چالاکی کوردە لە بوومەلەرزەی سەرپێڵی زەهاو لە پێڕاگەیشتن و یارمەتیدانی لێقەوماوان دەستی باڵای هەبووه.

تا کاتی بڵاو کردنەوەی ئەم هەواڵە، هیچ زانیارییەک لەمەڕ چارەنووس و هۆکاری دەسبەسەرکردنی ناوبراو لە بەردەستدا نییە.
Balatarin

نوێترین هەواڵ


١٣٩٨/٠٥/٢٦ - ١٧-٠٨-٢٠١٩ - ١٢:١٩ تاران

٥ هاووڵاتی لە شاری پیرانشار دەسبەسەر کران

١٣٩٨/٠٥/٢٦ - ١٧-٠٨-٢٠١٩ - ١٢:١١ تاران

هاووڵاتییەکی کورد بۆ زیندانی ورمێ ڕاگوێزرا

١٣٩٨/٠٥/٢٥ - ١٦-٠٨-٢٠١٩ - ١١:٢٣ تاران

تەقینەوەی مین، چەند سەر ئاژەڵی ماڵیی کردە قوربانی

١٣٩٨/٠٥/٢٤ - ١٥-٠٨-٢٠١٩ - ١٧:٤٥ تاران

چارەنووسی سێ هاووڵاتیی کورد ناڕوونە

١٣٩٨/٠٥/٢٤ - ١٥-٠٨-٢٠١٩ - ١١:١٣ تاران

ماددەی سڕکەر، ساڵانە گیانی ٣ هەزار کەس دەستێنێت

١٣٩٨/٠٥/٢٣ - ١٤-٠٨-٢٠١٩ - ١٨:٣٤ تاران

کرێکارێکی ڕەبەتی بووە قوربانیی ڕووداوی کار

١٣٩٨/٠٥/٢٣ - ١٤-٠٨-٢٠١٩ - ١٢:٠٤ تاران

کاسبکارێکی کورد لە شاری سەردەشت بریندار بوو

١٣٩٨/٠٥/٢٢ - ١٣-٠٨-٢٠١٩ - ١٨:١٣ تاران

لێکۆڵەرێکی کورد لە شاری تاران دەسبەسەر کرا

١٣٩٨/٠٥/٢١ - ١٢-٠٨-٢٠١٩ - ١٨:٠٦ تاران

"سیرووس عەباسی" لە زیندانی قوروە ئازاد کرا