درێژەی ڕەوتی دەسبەسەرکردنی چالاکانی ژینگەپارێزی لە کامیاران

١٣٩٧/١٠/١٦ - ٠٦-٠١-٢٠١٩ - ١٨:٥٣ تارانچاپكردنی ئه‌م بابه‌ته‌ژماره‌ی بینینی بابه‌ت١٩٣ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

درێژەی ڕەوتی دەسبەسەرکردنی چالاکانی ژینگەپارێزی لە کامیارانئاژانسی کوردپا: دەسبەسەرکردنی چالاکانی ژینگەپارێزیی خەڵکی شاری کامیاران لەلایەن هێزە ئیتلاعاتییەکانەوە درێژەی هەیە.

بەپێی هەواڵی گەیشتوو بە ئاژانسی کوردپا، ئەمڕۆ یەکشەممە ١٦ی بەفرانبار، هێزە ئیتلاعاتییەکان هێرشیان کردووەتە سەر ئیدارەی ژینگەپارێزیی کامیاران و "ئامانج قوربانی" فەرمانبەری ئەو ئیدارەیە و چالاکی ژینگەپارێزیان دەسبەسەر کرد.

بە وتەی سەرچاوەیەکی ئاگادار، ئەو فەرمانبەرەی ئیدارەی ژینگەپارێزیی کامیاران لەبەر چاوی هاوکارانی لەلایەن هێزە ئیتلاعاتییەکان دراوەتە بەر لێدان و دەسبەسەریان کردووە.

ئەو سەرچاوەیە وتی: ئەو چالاکە ژینگەپارێزییە پاش دەسبەسەرکردن بۆ شوێنێکی نادیار ڕاگوێزراوە.

تا کاتی بڵاوکردنەوەی ئەم هەواڵە، هیچ زانیارییەک لەمەڕ هۆکاری دەسبەسەرکردنی ئەم هاووڵاتییە کوردە لەبەر دەستدا نییه.

لەم پێوەندییەشدا، ڕۆژی شەممە ١٥ی بەفرانبار، هێزەکانی ئیتلاعاتی سەر بە ئیدارەی ئیتلاعاتی سنە هێرشیان کردووە سەر ماڵی دوو چالاکی کورد بە ناوەکانی "ڕاشد مۆنتەزری"، چالاکی ژینگەپارێز و "حسەین کەمانگەر"، زیندانی پێشووی سیاسی لە کامیاران و ئەم دوو چالاکە کوردەیان دەسبەرسەر کردووه.

هەروها لە هەمان ڕۆژدا، هێزە ئیتلاعاتییەکانی سەر بە ئیدارەی ئیتلاعاتی سنە هێرشیان کردووە سەر شوێنی کاری "عیسا فەیزی"، چالاکی ژینگەپارێز لە شەقامی "ئەلک شار"ــی کامیاران و ناوبراویان دەسبەسەر کردووە.

ڕۆژی دووشەممە ١٠ی بەفرانباریش، سێ هاووڵاتیی کوردی خەڵکی شاری کامیاران بە ناوەکانی " هادی کەمانگەر"، "فازڵ قەیتاسی" و "ڕەزا ئەسەدی" لەلایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزران.

ئەو سێ هاووڵاتییە کوردە له چالاکانی ژینگەپارێزی شاری کامیارانن.
Balatarin

نوێترین هەواڵ


١٣٩٨/٠٥/٢٩ - ٢٠-٠٨-٢٠١٩ - ١٣:١٠ تاران

سێ هاووڵاتیی کورد لە شاری دەماوەند دەسبەسەر کران

١٣٩٨/٠٥/٢٩ - ٢٠-٠٨-٢٠١٩ - ١١:٢٧ تاران

دوو لاوی مەریوانی دەسبەسەر کران

١٣٩٨/٠٥/٢٨ - ١٩-٠٨-٢٠١٩ - ١٣:٠٧ تاران

قامکەکانی دەستی کۆڵبەرێک دەقرتێنرێت

١٣٩٨/٠٥/٢٧ - ١٨-٠٨-٢٠١٩ - ١٣:١٢ تاران

کامیل ئەحمەدی لە بوونی "پارێزەر "بێبەرییە

١٣٩٨/٠٥/٢٦ - ١٧-٠٨-٢٠١٩ - ١٢:١٩ تاران

٥ هاووڵاتی لە شاری پیرانشار دەسبەسەر کران

١٣٩٨/٠٥/٢٦ - ١٧-٠٨-٢٠١٩ - ١٢:١١ تاران

هاووڵاتییەکی کورد بۆ زیندانی ورمێ ڕاگوێزرا

١٣٩٨/٠٥/٢٥ - ١٦-٠٨-٢٠١٩ - ١١:٢٣ تاران

تەقینەوەی مین، چەند سەر ئاژەڵی ماڵیی کردە قوربانی

١٣٩٨/٠٥/٢٤ - ١٥-٠٨-٢٠١٩ - ١٧:٤٥ تاران

چارەنووسی سێ هاووڵاتیی کورد ناڕوونە

١٣٩٨/٠٥/٢٤ - ١٥-٠٨-٢٠١٩ - ١١:١٣ تاران

ماددەی سڕکەر، ساڵانە گیانی ٣ هەزار کەس دەستێنێت