کۆڵبەرێکی کورد لە سنووری پیرانشار بریندار بوو

١٣٩٧/٠٩/٢٥ - ١٦-١٢-٢٠١٨ - ١٦:٥٤ تارانچاپكردنی ئه‌م بابه‌ته‌ژماره‌ی بینینی بابه‌ت١٢٤ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

کۆڵبەرێکی کورد لە سنووری پیرانشار بریندار بووئاژانسی کوردپا: کۆڵبەرێکی کوردی خەڵکی شاری پیرانشار به تەقەی ڕاستەوخۆی نیزامییە حکوومەتییەکان لە سنووری ئەو شارە بریندار بوو.

بە پێی هەواڵی گەیشتوو به ئاژانسی هەواڵدەریی کوردپا، ئەمڕۆ یەکشەممە، ٢٥ی سەرماوەز، نیزامییە حکوومەتییەکان، گرووپێک له کۆڵبەرانی کوردیان لە سنووری پیرانشار کردە ئامانجی تەقەی خۆیان و لە ئاکامدا، کۆڵبەرێکی کورد به ناوی "نادر نەبیزادە"، خەڵکی گوندی "زیوە" سەر بە شاری پیرانشار به توندی بریندار بوو.

نادر نەبیزادە
بە وتەی سەرچاوەیەکی ئاگادار، ئەم کۆڵبەرە کوردە به هۆی سەختی برینەکانیەوە گوازراوەتەوە بۆ ناوەندە دەرمانییەکانی شاری پیرانشار.

ئەم سەرچاوە ئاگادارە، دۆخی تەندرووستیی ئەم کۆڵبەرە کوردەی خراپ وەسف کردووە.

هەر لەم پێوەندییەدا، ڕۆژی هەینی، ٢٣ی سەرماوەز، کۆڵبەرێکی کورد به ناوی "ڕەحمان کتابی"، تەمەن ٤٠ ساڵ، خەڵکی گوندی "شیلمان" و نیشتەجێی گوندی "نەنور" سەر بە شاری بانه لە ئاکامی تەقەی ڕاستەوخۆی نیزامییەکانی حکوومەتی دەستبەجێ گیانی لە دەست دا و کۆڵبەرێکی دیکە به ناوی "محەممەد مەعرووفی" تەمەن ٢٠ ساڵ، خەڵکی گوندی "بژی" بە توندی بریندار بوو.

نیزامییە حکوومەتییەکان به بێ ئاگادارکردنەوەی پێشوو لە سنووری "هەنگەژاڵ"ی بانه تەقەیان لەم دوو کۆڵبەرە کردبوو.
Balatarin

نوێترین هەواڵ


١٣٩٨/٠١/٣٠ - ١٩-٠٤-٢٠١٩ - ١٢:٣١ تاران

سێ هاووڵاتی بە ئێعدام مەحکووم کران

١٣٩٨/٠١/٢٩ - ١٨-٠٤-٢٠١٩ - ١٧:٣١ تاران

لاوێکی تەمەن ٢٤ ساڵ لە شاری مەهاباد دەسبەسەر کرا

١٣٩٨/٠١/٢٩ - ١٨-٠٤-٢٠١٩ - ١٦:٥١ تاران

هاووڵاتییەکی کورد کۆتایی بە ژیانی خۆی هێنا

١٣٩٨/٠١/٢٨ - ١٧-٠٤-٢٠١٩ - ١٦:٥١ تاران

سەرما گیانی سێ کوڵبەری ئەستاند

١٣٩٨/٠١/٢٧ - ١٦-٠٤-٢٠١٩ - ١٨:٣٩ تاران

جووتیارێکی مەریوانی بە تەقینەوەی مین لاقێکی قرتا