ئیتلاعات لە وڵامدانەوە سەبارەت به چارەنووسی هاووڵاتییەکی کورد خۆی دەبوێرێت

١٣٩٧/٠٩/٢٥ - ١٦-١٢-٢٠١٨ - ١٢:٠٠ تارانچاپكردنی ئه‌م بابه‌ته‌ژماره‌ی بینینی بابه‌ت١٧٧ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

ئیتلاعات لە وڵامدانەوە سەبارەت به چارەنووسی هاووڵاتییەکی کورد خۆی دەبوێرێتئاژانسی کوردپا: هاوکات لەگەڵ تێپەڕبوونی یەک مانگ بەسەر دەسبەسەرکرانی هاووڵاتیەکی کوردی خەڵکی شاری بانه، هەتا ئێستە هیچ زانیارییەک لەمەڕ چارەنووسی ناوبراو لە بەردەستدا نییە.

بەپێی هەواڵی گەیشتوو به ئاژانسی هەواڵدەریی کوردپا، چارەنووسی هاووڵاتییەکی کورد، به ناوی "کامیار شەریفی"، تەمەن ٢٧ ساڵ، کوڕی مەحیەدین، خەڵکی شاری بانە، پاش یەک مانگ لە دەسبەسەرکرانی هێشتا ناڕوونە.

بە وتەی سەرچاوەیەکی ئاگادار، هێزە ئیتلاعاتییەکان لە دانەوەی وڵامی ڕوون سەبارەت به چارەنووسی ئەم هاووڵاتییە کوردە خۆیان بواردووە و ئەمەش نیگەرانیی بنەماڵەی ئەم هاووڵاتییەی بەدواوە بووە.

ئەم سەرچاوەیە هەروەها دەڵێت: ئەم هاووڵاتییە کوردە بۆ لێپرسینەوە گوازراوەتەوە بۆ گرتووخانەی ئیدارەی ئیتلاعاتی شاری سنە و لە هۆکاری دەسبەسەرکرانیشی هیچ زانیارییەک لە بەردەستدا نییە.

ئەم سەرچاوەیە هەروەها ڕایگەیاندووە: کامیار شەریفی لە کۆتایییەکانی خەزەڵوەری ئەمساڵەوە، لە لایەن هێزە ئیتلاعاتییەکانی شاری بانەوە دەسبەسەر کراوە.

لەم پێوەندییەدا، هاووڵاتییەکی دیکەی کورد، به ناوی "سینا ئەحمەدی"، تەمەن ٢٧ ساڵ، کوڕی ڕەشید، کە ڕۆژی شەممە، ٣ی سەرماوەز، لە لایەن هێزە ئیتلاعاتییەکانەوە دەسبەسەر کرابوو، کە به دانانی بارمتەی ١٢٠ میلیۆن تمەنی تا کاتی تەواو کردنی ڕەوتی دۆسییەکەی ئازاد کرا.

ڕۆژی شەممە،٣ی سەرماوەز، هێزە ئیتلاعاتییەکان هەڵیانکوتاوەتە سەر ماڵی ئەم هاووڵاتییە کوردە و بەبێ مۆڵەتی یاسایی ناوبراویان دەسبەسەر کردووە.

هێزە ئیتلاعاتییەکان، هۆکاری دەسبەسەرکرانی ئەم هاووڵاتییە کوردەیان، بۆ هاوکاریی لەگەڵ حیزبە کوردییەکانی ئۆپۆزسیۆنی حکوومەتی ئێران ڕاگەیاندووە و دواتر بۆ ئیدارەی ئیتلاعاتی شاری بانه ڕایانگواستووە.
Balatarin

نوێترین هەواڵ


١٣٩٨/٠٣/٢٧ - ١٧-٠٦-٢٠١٩ - ١٣:٢٤ تاران

گورگ، بوو بە هۆی مردنی منداڵێکی تەمەن ٤ ساڵ

١٣٩٨/٠٣/٢٧ - ١٧-٠٦-٢٠١٩ - ١١:٢٨ تاران

هاووڵاتییەکی سنەیی لە ئێعدام ڕزگاری بوو

١٣٩٨/٠٣/٢٦ - ١٦-٠٦-٢٠١٩ - ١٩:٠٥ تاران

بونیادی شەهید، دۆسیەی دوو بەرکەوتووی مینی ڕەت کردەوە

١٣٩٨/٠٣/٢٦ - ١٦-٠٦-٢٠١٩ - ١٢:٥٧ تاران

سپای پاسداران، چەکوچۆڵ دەگوازێتەوە بۆ شاری کامیاران

١٣٩٨/٠٣/٢٥ - ١٥-٠٦-٢٠١٩ - ١٧:٣٤ تاران

زەوتکردنی کەلوپەلی کاسبکاران لە پاوەدا

١٣٩٨/٠٣/٢٥ - ١٥-٠٦-٢٠١٩ - ١٢:٤١ تاران

سێ کۆمەڵە کتێبی هۆنراوەی منداڵان بڵاوکرایەوە

١٣٩٨/٠٣/٢٤ - ١٤-٠٦-٢٠١٩ - ١٣:٠٤ تاران

ژنێکی لاوی کامیارانی کۆتایی بە ژیانی خۆی هێنا

١٣٩٨/٠٣/٢٤ - ١٤-٠٦-٢٠١٩ - ١٢:١٨ تاران

کارەباگرتوویی، گیانی کرێکارێکی کوردی ئەستاند

١٣٩٨/٠٣/٢٣ - ١٣-٠٦-٢٠١٩ - ١٣:٤٢ تاران

KMMK – G خوازیاری ئازادیی بێمەرجی "زارا محەمەدی" بوو