دوو کۆڵبەری کورد لە سنووری شاری بانە بە تەقەی هێزە نیزامییەکان کوژراو و بریندار بوون

١٣٩٧/٠٩/٢٣ - ١٤-١٢-٢٠١٨ - ٢١:٥٠ تارانچاپكردنی ئه‌م بابه‌ته‌ژماره‌ی بینینی بابه‌ت٢٢٣ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

دوو کۆڵبەری کورد لە سنووری شاری بانە بە تەقەی هێزە نیزامییەکان کوژراو و بریندار بوونئاژانسی کوردپا: دوو کۆڵبەری کورد خەڵکی شاری بانە بە هۆی تەقەی هێزە نیزامییەکانی حکوومەتی کوژراو و بریندار بوون.

بەپێی هەواڵی گەیشتوو بە ئاژانسی هەواڵدەریی کوردپا، ئێوارەی ئەمڕۆ هەینی ٢٣ی سەرماوەز، کۆڵبەرێکی کورد بە ناوی "ڕەحمانی کتابی" تەمەن ٤٠ ساڵ خەڵکی گوندی "شێلمان" و دانیشتووی گوندی "نەنوور"ی شاری بانە بە تەقەی هێزە نیزامییەکان لە سنووری هەنگەژاڵە، گیانی لە دەستدا و هەروەها کۆڵبەرێکی دیکەی کورد بە ناوی "محەممەد مەعرووفی" تەمەن ٢٠ ساڵ خەڵکی گوندی "بژی" بە سەختی بریندار بووە.

هێزە نیزامییەکانی حکوومەتی لە شوێنێک بە ناوی "سەرتەزێن" لە سنووری هەنگەژاڵ تەقەیان لەو دوو کۆڵبەرە کوردە کردووە.

بە وتەی سەرچاوەیەکی ئاگادار، تەرمی ئەم کۆڵبەرە کوژراوە، ڕەوانەی نەخۆشخانەی شاری بانە کراوە و هەتا ئێستا ڕادەستی بنەماڵەکەی نەکراوەتەوە.

ئەو سەرچاوەیە لە درێژەدا، دەڵێت: محەممەد مەعرووفی بە هۆی کاریگەری برینەکەیەوە ڕەوانەی نەخۆشخانەی شاری بانە کراوە و هەنووکە نەشتەرگەری بۆ دەکرێت و سێ گوللە بەر لاقی کەوتووە.

ڕەحمان کتابی خێزاندار و باوکی ٥ منداڵە.
Balatarin

نوێترین هەواڵ


١٣٩٨/٠٣/٢٧ - ١٧-٠٦-٢٠١٩ - ١٣:٢٤ تاران

گورگ، بوو بە هۆی مردنی منداڵێکی تەمەن ٤ ساڵ

١٣٩٨/٠٣/٢٧ - ١٧-٠٦-٢٠١٩ - ١١:٢٨ تاران

هاووڵاتییەکی سنەیی لە ئێعدام ڕزگاری بوو

١٣٩٨/٠٣/٢٦ - ١٦-٠٦-٢٠١٩ - ١٩:٠٥ تاران

بونیادی شەهید، دۆسیەی دوو بەرکەوتووی مینی ڕەت کردەوە

١٣٩٨/٠٣/٢٦ - ١٦-٠٦-٢٠١٩ - ١٢:٥٧ تاران

سپای پاسداران، چەکوچۆڵ دەگوازێتەوە بۆ شاری کامیاران

١٣٩٨/٠٣/٢٥ - ١٥-٠٦-٢٠١٩ - ١٧:٣٤ تاران

زەوتکردنی کەلوپەلی کاسبکاران لە پاوەدا

١٣٩٨/٠٣/٢٥ - ١٥-٠٦-٢٠١٩ - ١٢:٤١ تاران

سێ کۆمەڵە کتێبی هۆنراوەی منداڵان بڵاوکرایەوە

١٣٩٨/٠٣/٢٤ - ١٤-٠٦-٢٠١٩ - ١٣:٠٤ تاران

ژنێکی لاوی کامیارانی کۆتایی بە ژیانی خۆی هێنا

١٣٩٨/٠٣/٢٤ - ١٤-٠٦-٢٠١٩ - ١٢:١٨ تاران

کارەباگرتوویی، گیانی کرێکارێکی کوردی ئەستاند

١٣٩٨/٠٣/٢٣ - ١٣-٠٦-٢٠١٩ - ١٣:٤٢ تاران

KMMK – G خوازیاری ئازادیی بێمەرجی "زارا محەمەدی" بوو