پارێزەرانی دادگوستەری: حکوومەتی ئێران بەرپرسی بێ ئەملاوئەولای کارەساتی شیناوێیە

١٣٩٧/٠٩/١٦ - ٠٧-١٢-٢٠١٨ - ١٣:٠٦ تارانچاپكردنی ئه‌م بابه‌ته‌ژماره‌ی بینینی بابه‌ت٧٨ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

پارێزەرانی دادگوستەری: حکوومەتی ئێران بەرپرسی بێ ئەملاوئەولای کارەساتی شیناوێیەئاژانسی کوردپا: ژمارەیەک لە پارێزەرانی دادگوستەری لە ئێران، لە ساڵیادی کارەساتی قوتابخانەی شیناوێ نامەیەکی سەرئاوەڵایان بڵاو کردەوە.

لەم نامە سەرئاوەڵایەدا هاتووە، بەپێی یاسا و ڕێسای هەنووکەی ئێران و بنەمای مافەکان، حکوومەتی ئێران، بەرپرسی بێ ئەملاوئەولای ئەم کارەساتەیە و چونکە ئەو برینانەی ئێوەی کە هەتا کۆتایی ژیانتان لەگەڵتانە بە هۆی بێتەگبیری، گرنگی نەدان و کەمتەرخەمیی بەرپرسانی حکوومەت بووە.

بێگومان بەرپرسیاری قەرەبووکردنەوەی زیانی و پێدانی خەسارەتی مادی و مەعنەوی بە ئێوەی ئازیزە؛ ئەگەرچی ئەم کارە جێبەجێش بکرێت، هیچ کات دەرد و ئازاری قووڵ و تاڵی ئێوەی سیماجوانەکان قەرەبوو ناکرێتەوە.

پارێزەرانی واژۆکەری ئەم نامەیە: بەپێی کۆنوانسیۆنی مافی منداڵان؛ یاریکردن، شادبوون و پێکەنین، مافی بەبێ ئەملاوئەولا و سروشتیی ئێوەیە و بەپێی مادەی ٣٠ یاسای بنەڕەتی، خوێندن لە قوتابخانەیەکی ستاندارد وەکوو مافی بنەڕەتیی ئێوە باسی لێ کراوە؛ بەڵام هەزار جار بەداخەوە کە هەڵسوکەوتی هەڵە و ناڕاستی بەرپرسانی حکوومەتیی ئێمە، دەبنە هۆی پێشێلکردنی ئەم مافە جەوهەری و سەرەکییەی ئێوە، کە ماوەی شەش ساڵە ئێوە ئازار دەدات، کە بە هیچ پارە و بەهایەکی مادی قەرەبوو ناکرێتەوە.

بەرگێک لەم نامەیە کە بە دەستی ئاژانسی کوردپا گەیشتووە، بەم چەشنەیە:

کچە بەڕێز و زوڵملێکراوەکانی شیناوێ، وێڕای سڵاو و نزای خێر بۆ ئێوە:
لەگەڵ ڕێز، ئێمە وەکوو کۆمەڵێک لە پارێزەرانی دادگوستەریی ئێران، لە ساڵیادی ئەم کارەساتە دڵتەزێنە، هاودەردی خۆمان بە ئێوە کچانی ئازیزی ئەم وڵاتە بێگەردە ڕادەگەینین و هاوخەمیی خۆمانتان ئاراستە دەکەین و سڵاو و ڕێز دەنێرین بۆ ڕۆحی شادی دوو کچی کۆچکردووی ئەم کارەساتە، "ساریا ڕەسووڵزادە" و سەیران یەگانە" کە ئێوەیان بەجێ هێشت.

بەپێی یاسا و ڕێسای هەنووکەی ئێران و بنەمای مافەکان، حکوومەتی ئێران، بەرپرسی بەبێ ئەملاوئەولای ئەم کارەساتەیە و چونکە ئەو برینانەی ئێوەی کە هەتا کۆتایی ژیانتان لەگەڵتانە بە هۆی بێتەگبیری، گرنگی نەدان و کەمتەرخەمیی بەرپرسانی حکوومەت بووە. بێگومان بەرپرسیاری قەرەبووکردنەوەی زیانی و پێدانی خەسارەتی مادی و مەعنەوی بە ئێوەی ئازیزە؛ ئەگەرچی ئەم کارە جێبەجێش بکرێت، هیچ کات دەرد و ئازاری قووڵ و تاڵی ئێوەی سیماجوانەکان قەرەبوو ناکرێتەوە.

ئێوە کچانی زوڵملێکراوی شیناوێ مافی خۆتانە، کە لە باشترین ناوەندی دەرمانی و نەخوشخانەکانی نێوخۆ و دەرەوەی وڵات دەرمان بکرێن و ئەم کارە مافی بنەڕەتیی ئێوە و ئەرکی حکوومەتە.

بەپێی کۆنوانسیۆنی مافی منداڵان؛ یاریکردن، شادبوون و پێکەنین مافی بەبێ ئەملاوئەولا و سروشتیی ئێوەیە و بەپێی مادەی ٣٠ یاسای بنەڕەتی، خوێندن لە قوتابخانەیەکی ستاندارد وەکوو مافی بنەڕەتیی ئێوە باسی لێ کراوە؛ بەڵام هەزار جار بەداخەوە کە هەڵسوکەوتی هەڵە و ناڕاستی بەرپرسانی حکوومەتیی ئێمە، دەبنە هۆی پێشێلکردنی ئەم مافە جەوهەری و سەرەکییەی ئێوە، کە ماوەی شەش ساڵە ئازار و ڕەنجی بۆ ئێوە بەدی هێناوە و بە هیچ پارە و بەهایەکی مادی قەرەبوو ناکرێتەوە.

لە حەوتەمین ساڵیادی ئەم کارەساتە دڵتەزێنە کە لە پۆلی وانەوتنەوە بۆ ئێوە ڕووی دا، ئێمە وەک کۆمەڵێک لە پارێزەرانی دادگوستەریی ئێران، داوا لە بەرپرسانی حکوومەتی دەکەین، هەتا بە ئەرکە یاسایی، مافەوانی، مرۆیی و شەرعییەکانی خۆیان لە بەرانبەر کچانی شیناوێ و مندالانی دیکەی ئێران پێبەندی بن و بە ستانداردکردنی قوتابخانەکان و ئامادەکردنی بەستێنی بوارە جۆراوجۆرەکانی کۆنوانسیۆنی مافی منداڵان، شادی و پێکەنین بۆ ئەم منداڵانە بگەڕێننەوە.

باش ژیانکردن و بەدەستهێنانی جوانیی پیش ئەم ڕووداوە تاڵە، مافی سروشتیی کچانی شیناوێ و ئەرکی ئامادەکردنی لە ئەستۆی حکوومەتە، حکوومەتی ئێران پێویستە سەرەڕای ڕەچاوکردنی کەرامەتی مرۆییی ئێوە و بەبێ هیچ هەڵاواردنێک بە باشترین شێوەی گونجاو لە هەمبەر دەستەبەرکردنی داواکارییە شەرعی و یاسایییەکانتان، بە زووترین کات هەنگاو هەڵ بگرێت و بە ئەرکە نێوخۆیی و نێونەتەوەیییەکانی خۆی پێبەند بێت.

لەگەڵ ڕێزمان:

١ـ حوسێن ئەحمەدی‌نیاز
٢ـ یووسف مەولایی
٣ـ قاسم شوعلە سەعدی
٤ـ مستەفا تورک هەمەدانی
٥ـ محەممەد نەجەفی
٦ـ محەممەد مستەفایی
٧ـ محەممەدعەلی جداری فرووغی
٨ـ ئەحسەن حەسەنپوور
٩ـ عەبدوڵڵا جەهانبین
١٠ـ جەبار مەلەکی
١١ـ هووشمەند ڕەحیمی
١٢ـ عەلی ئەفرووز
١٣ـ فەرهاد مەجیدئابادی
١٤ـ مەسعوود ئەختەریی تهرانی
١٥ـ عەلی ئەمیری
١٦ـ عەلیڕەزا دەقیقی
Balatarin

نوێترین هەواڵ


١٣٩٧/١١/٢٨ - ١٧-٠٢-٢٠١٩ - ١١:٥٩ تاران

گواستنەوەی هاووڵاتییەکی کورد بۆ ئیتلاعاتی ورمێ

١٣٩٧/١١/٢٨ - ١٧-٠٢-٢٠١٩ - ١٠:٥٩ تاران

کتێبی "هیچ هاوڕێیەک جگە لە شاخەکان" دەکرێتە کوردی

١٣٩٧/١١/٢٧ - ١٦-٠٢-٢٠١٩ - ١١:٣٤ تاران

خۆکوژیی لاوێکی کورد بە هۆی کێشەی ماڵییەوە

١٣٩٧/١١/٢٧ - ١٦-٠٢-٢٠١٩ - ١١:٠٥ تاران

بڕینەوەی حوکمی ٥ ساڵ زیندان بۆ سەحەر کازمی

١٣٩٧/١١/٢٦ - ١٥-٠٢-٢٠١٩ - ١٢:٠٦ تاران

لاوێکی کورد لە بواری پزیشکیدا شانازی تۆمار کرد

١٣٩٧/١١/٢٦ - ١٥-٠٢-٢٠١٩ - ١١:٣٤ تاران

چارەنووسی لاوێکی خەڵکی سنە ناڕوونە

١٣٩٧/١١/٢٥ - ١٤-٠٢-٢٠١٩ - ١٠:٤٠ تاران

خۆکوژیی سەربازێکی بۆکانی لە پادگانی ئەرتەشی مەراغە

١٣٩٧/١١/٢٤ - ١٣-٠٢-٢٠١٩ - ١٠:٤٣ تاران

دەسبه‌سەرکردنی چالاکێکی ژینگە‌پارێزی لە کامیاران

١٣٩٧/١١/٢٣ - ١٢-٠٢-٢٠١٩ - ١٠:٣٣ تاران

کەمپەینێک بۆ پشتیوانی لە کۆڵبەران دامەزرا

١٣٩٧/١١/٢٢ - ١١-٠٢-٢٠١٩ - ٢٠:٠٩ تاران

مەسعود شەمس‌نژاد بە ٦ ساڵ زیندان مەحکووم کرا

١٣٩٧/١١/٢٢ - ١١-٠٢-٢٠١٩ - ١٦:٤٠ تاران

ژنێک بە خراپترین شێوە لە سنە کوژرا