کۆڵبەرێکی کورد بە تەقەی ڕاستەوخۆ لە بەرزاییەکانی کێلەشین کوژرا

١٣٩٧/٠٩/١٤ - ٠٥-١٢-٢٠١٨ - ١٩:٠٧ تارانچاپكردنی ئه‌م بابه‌ته‌ژماره‌ی بینینی بابه‌ت٢٢١ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

کۆڵبەرێکی کورد بە تەقەی ڕاستەوخۆ لە بەرزاییەکانی کێلەشین کوژرائاژانسی کوردپا: کۆڵبەرێکی کوردی خەڵکی ناوچەی مەڕگەوەری ورمێ بە تەقەی ڕاستەوخۆی هێزە چەکدارەکانی حکوومەتی ئێران گیانی لێ ئەستێندرا.

به پێی هەواڵی گەیشتوو به ئاژانسی هەواڵدەریی کوردپا، ڕۆژی چوارشەممە ١٠ی سەرمارەز، کۆڵبەرێکی کورد بە ناوی "عەبدولقادر ساڵحیان" کوڕی جەمیل و خەڵکی دزەی ناوچەی مەڕگەوەری ورمێ بە هۆی بەرکەوتنی فیشەکی هێزە حکوومەتییەکان کوژرا.

عەبدولقادر ساڵحیان
ئەو کۆڵبەرە کوردە خێزاندار و چوار منداڵی هەیه. تەرمی ناوبراو ئێستا لە سەردخانەی نەخۆشخانەی "نەبی ئەکرەم"ــی شنۆ دایە و ڕادەستی بنەماڵەی نەکراوە.

لەم پێوەندییەدا، ڕۆژی سێشەممە، ١٣ی سەرماوەز، کۆڵبەرێکی کورد به ناوی "جەعفەر مونیر"، تەمەن ٢٨ ساڵ، کوڕی سەید ئەحمەد خەڵکی سەردەشت، هاوکات لە گەڵ گرووپێک لە کۆڵبەرانی دیکه، لە سەر خاڵی سیفری سنووری ئەم سارە لە لایەن هێزە نیزامییە حکوومەتییەکانەوە تەقەیان لێ کراوە و لە ئاکامدا لاقی بریندار بووە.

ڕۆژی هەینی، ٩ی سەرماوەز، کۆڵبەرێکی کورد به ناوی "جبرەئیل ئەحمەدی" خەڵکی ناوچەی سۆمای ورمێ لە ئاکامی تەقەی هێزە ئینتیزامییەکاندا له ڕێگای گەیشتن به هەشتیان ، شانی بریندار بووە.

هەروەها ڕۆژی پێنجشەممە، ٨ی سەرماوەز، گرووپێک لە کۆڵبەرە کوردەکان لە سنووری پیرانشار کەوتوونەتە کەمینی هێزە حکوومەتییەکانی ئێران و بە هۆی تەقەی ئەو هێزانەوە، کۆڵبەرێکی کورد به ناوی "شەریف مەحبووب"، تەمەن ٣٢ ساڵ کوڕی قادر، نێوقەدی بریندار بووە و گوازراوەتەوە بۆ ناوەندە دەرمانییەکانی شاری پیرانشار.

لە لایەکی تریشەوە هەر لەو ڕۆژەدا، گرووپێک له کۆڵبەرە کوردەکان لە خاڵی سنووری سەردەشتدا، کراونەتە ئامانجی هێزە حکوومەتییەکان که برینداربووونی کۆڵبەرێکی کورد به ناوی "عادڵ شافعی" بەدواوە بووە.
Balatarin

نوێترین هەواڵ


١٣٩٨/٠٤/٢٧ - ١٨-٠٧-٢٠١٩ - ١٣:٢٩ تاران

"موختار زارعی" بە ساڵێک زیندانیی تەعزیری مەحکووم کرا

١٣٩٨/٠٤/٢٧ - ١٨-٠٧-٢٠١٩ - ١١:١٥ تاران

ماشینی ئێعدامەکان لە کوردستان وەکار کەوتووە

١٣٩٨/٠٤/٢٦ - ١٧-٠٧-٢٠١٩ - ١٣:٢٦ تاران

دەسبەسەرکردنی هاووڵاتییان لە کوردستاندا بەردەوامە

١٣٩٨/٠٤/٢٦ - ١٧-٠٧-٢٠١٩ - ١٢:٠١ تاران

ڕووداوی کار، گیانی هاووڵاتییەکی بۆکانیی ئەستاند

١٣٩٨/٠٤/٢٥ - ١٦-٠٧-٢٠١٩ - ١٧:٣١ تاران

ئازادکرانی چوار لاوی بەندکراوی کورد لە شاری سنە

١٣٩٨/٠٤/٢٥ - ١٦-٠٧-٢٠١٩ - ١٣:٠٠ تاران

ڕۆمانی "١١ خولەک"، لە بازاڕەکانی تورکیە کۆکرایەوە

١٣٩٨/٠٤/٢٥ - ١٦-٠٧-٢٠١٩ - ١١:٣٦ تاران

چالاکێکی فەرهەنگیی کوردی خوراسان، زێدی خۆی بەجێهێشت

١٣٩٨/٠٤/٢٤ - ١٥-٠٧-٢٠١٩ - ١٣:٣٦ تاران

سێ هاووڵاتی لە شاری "سایین ‌قەڵا" دەسبەسەر کران

١٣٩٨/٠٤/٢٤ - ١٥-٠٧-٢٠١٩ - ١٣:١٢ تاران

کۆڵبەرێکی کورد لە "دۆڵەبیـ"ـی سەردەشت گیانی لەدەست دا