دەسبەسەریی سەرلەنوێی چالاکێکی مەدەنیی کورد لە شاری سنە

١٣٩٧/٠٩/١٢ - ٠٣-١٢-٢٠١٨ - ١٠:٢٥ تارانچاپكردنی ئه‌م بابه‌ته‌ژماره‌ی بینینی بابه‌ت١٨٨ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

دەسبەسەریی سەرلەنوێی چالاکێکی مەدەنیی کورد لە شاری سنەئاژانسی کوردپا: دەزگای قەزاییی حکوومەتی ئێران، حوکمی زیندانی چالاکێکی مەدەنیی کوردی خەڵکی سنەی، هەتا کۆتاییهاتنی ڕەوتی قەزاییی دۆسییەکەی دەرکرد.

بەپێی هەواڵی گەیشتوو بە ئاژانسی هەواڵدەریی کوردپا، ڕۆژی یەکشەممە ١١ی سەرماوەز، "سەحەر کازمی" چالاکی مەدەنیی کوردی خەڵکی سنە، پاش بانگهێشتی بۆ دادگوستەریی شاری سنە، دەسبەسەر و ڕەوانەی گرتووخانە کراوە.

بەپێی ڕاپۆرتی سەرچاوەیەکی ئاگادار، ئەم چالاکە مەدەنییە، بە مەبەستی کۆتاییی ڕەوتی قەزاییی دۆسییەکەی بانگهێشتی دادگا کرابوو، کە حوکمی زیندانیکردنی دووبارەی دەرکراوە.

ئەم سەرچاوەیە باسی لەوەش کرد، کە بەرپرسانی دادگا ڕایانگەیاندووە، هەتا کاتێک ڕەوتی قەزاییی دۆسییەکەی کۆتایی پێ نەیت، لە زیندان ئازاد ناکرێت.

ڕۆژی شەممە ٣ی سەرماوەز، سەحەر کازمی چالاکی مەدەنیی کوردی خەڵکی سنە، کە ڕۆژی پێنجشەممە، ١٨ی گەلاوێژی ئەمساڵ، لە لایەن هێزە ئیتلاعاتییەکانەوە دەسبەسەر کرابوو، بە شێوە کاتی ئازاد کرا.

ڕۆژی پێنجشەممە ١٨ی گەلاوێژی ئەمساڵ، هێزە ئیتلاعاتییەکان بەبێ بەڵگەی یاسایی هەڵکوتاونەتە سەر ماڵی کەسیی سەحەر کازمی و پاش پشکنینی کەلوپەلی نێو ماڵەکەی، ناوبراویان لەگەڵ خۆیان بۆ ئیدارەی ئیتلاعات بردووە.

ئەم چالاکە مەدەنییە لە ماوەی دەسبەسەریدا لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەش بووە.

شایانی باسە، هەروەها ڕۆژی پێنجشەممە ٢٤ی خەزەڵوەر، "مادێح فەتحی" هاوژینی سەحەر کازمی چالاکی مەدەنیی و دایکی ناوبراویش پاش بانگهێشتکردنیان بۆ ئیدارەی ئیتلاعات دەسبەسەر کراون.
Balatarin

نوێترین هەواڵ


١٣٩٨/٠٣/٢٧ - ١٧-٠٦-٢٠١٩ - ١٣:٢٤ تاران

گورگ، بوو بە هۆی مردنی منداڵێکی تەمەن ٤ ساڵ

١٣٩٨/٠٣/٢٧ - ١٧-٠٦-٢٠١٩ - ١١:٢٨ تاران

هاووڵاتییەکی سنەیی لە ئێعدام ڕزگاری بوو

١٣٩٨/٠٣/٢٦ - ١٦-٠٦-٢٠١٩ - ١٩:٠٥ تاران

بونیادی شەهید، دۆسیەی دوو بەرکەوتووی مینی ڕەت کردەوە

١٣٩٨/٠٣/٢٦ - ١٦-٠٦-٢٠١٩ - ١٢:٥٧ تاران

سپای پاسداران، چەکوچۆڵ دەگوازێتەوە بۆ شاری کامیاران

١٣٩٨/٠٣/٢٥ - ١٥-٠٦-٢٠١٩ - ١٧:٣٤ تاران

زەوتکردنی کەلوپەلی کاسبکاران لە پاوەدا

١٣٩٨/٠٣/٢٥ - ١٥-٠٦-٢٠١٩ - ١٢:٤١ تاران

سێ کۆمەڵە کتێبی هۆنراوەی منداڵان بڵاوکرایەوە

١٣٩٨/٠٣/٢٤ - ١٤-٠٦-٢٠١٩ - ١٣:٠٤ تاران

ژنێکی لاوی کامیارانی کۆتایی بە ژیانی خۆی هێنا

١٣٩٨/٠٣/٢٤ - ١٤-٠٦-٢٠١٩ - ١٢:١٨ تاران

کارەباگرتوویی، گیانی کرێکارێکی کوردی ئەستاند

١٣٩٨/٠٣/٢٣ - ١٣-٠٦-٢٠١٩ - ١٣:٤٢ تاران

KMMK – G خوازیاری ئازادیی بێمەرجی "زارا محەمەدی" بوو

١٣٩٨/٠٣/٢٣ - ١٣-٠٦-٢٠١٩ - ١١:٣٢ تاران

مامۆستایەکی مەریوانی بە کەفاڵەت ئازاد کرا