سمکۆ خلقەتی بە هۆی گوشاری ئیتلاعات زێدی خۆی جێهێشت

١٣٩٧/٠٨/١٧ - ٠٨-١١-٢٠١٨ - ١٠:٥٤ تارانچاپكردنی ئه‌م بابه‌ته‌ژماره‌ی بینینی بابه‌ت١٠١ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

سمکۆ خلقەتی بە هۆی گوشاری ئیتلاعات زێدی خۆی جێهێشتئاژانسی کوردپا: زیندانییەکی سیاسیی کورد خەڵکی شاری مەهاباد، بە هۆی گوشارە بەردەوامەکانی هێزە ئیتلاعاتییەکان، بە ناچاری زێدی خۆی بە جێهێشت.

بەپێی هەواڵی گەیشتوو بە ئاژانسی هەواڵدەریی کوردپا، سمکۆ خلقەتی، کارناسی ناوکی و زیندانیی سیاسیی کورد کە لە مانگی بانەمەڕی ئەمساڵ پاش ٩ ساڵ زیندانی لە زیندانی ناوەندیی شاری تەبەس لە پارێزگای خۆراسانی باشوور، ئازاد کرابوو، ئێرانی بە جێهێشت.

سمکۆ خلقەتی لە وتووێژێکدا لەگەڵ ئاژانسی کوردپا وێرای پشتڕاستکردنەوی ئەم هەواڵە، ڕایگەیاند: "بە هۆی گوشارەکانی ئیدارەی ئیتلاعاتی شاری مەهاباد ناچار بە بەجێهێشتنی زێدی خۆم بووم".

ناوبراو دەڵێت: "پاش ئازاد بوونم لە زیندانی، دوو کەڕەت بانگهێشتی ئیدارەی ئیتلاعاتی شاری مەهاباد کرام و لێپرسینەوەیان لەگەڵ کردم و هێزە ئیتلاعاتییەکان پێشیان لە دامەزراندنی من لە شیرکەتە دەوڵەتی و تایبەتییەکان دەگرت".

ئەو زیندانییە سیاسییە ئەوەشی دووپات کردەوە: گوشارەکانی مەئموورانی ئیتلاعاتی منی ناچار کرد ئێران بە جێبهێڵم و هەنووکە لە یەکێک لە وڵاتانی ئۆرووپایی ژیان دەکەم.

ڕۆژی چوارشەممە ١٩ی بانەمەڕ، ئەم کارناسە ناوەکییە و زیندانییە سیاسییە لە زیندانی تەبەس ئازاد کرا.

سمکۆ خلقەتی، ٢٨ی بەفرانباری ساڵی ١٣٨٨، کە لە ڕئاکتۆری ئاوی قورس لە ئەراک خەریکی کار بووە، لە لایەن هێزە ئیتلاعاتییەکانی کۆماری ئیسلامیی ئێرانەوە دەسبەسەر کراوە.

ئەم زیندانییە سیاسییە کوردە، دەرچووی بەشی متالۆژیــی زانکۆی سەنعەتی شەریفی تارانــە، کە لە لایەن دادگای ئینقلابی ئەراکەوە بە تاوانی هەوڵدان دژی ئەمنییەتی نیشتمانی لە ڕێگای ئەندامبوون لە یەکێک لە حیزبە کوردییەکانی ئۆپۆزسیۆنی حکوومەتی ئیسلامی ئێران، بە ١٥ ساڵ زیندانی تەعزیری مەحکووم کرابوو.

حوکمی زیندانی ئەم زیندانییە کوردە، لە دادگای پێداچوونەوە پەسەند کراوە و لە مانگی خەزەڵوەری ساڵی ١٣٩٢ش لە دیوانی باڵای وڵات حوکمەکەی پەسەند کرا.

لە هاوینی ساڵی ٩٤ لە سەر داواکاریی سمکۆ خلقەتی و بە ئامانجی گەڵاڵەی کاریگەرتر دوای بەکار بردنی مادەی ١٣٤"تجمیع احکام"، بۆ زیندانی تەبەس گوازرایەوە و دواتر لەگەڵ ئەو مادەیە دژایەتی کرا.

ئەم کارناسە ناوکییە لە زیندانەکانی ئەراک، ئەوین، ڕەجایی‌شاری کەرەج و تەبەسدا ماوەی حوکمەکەی خۆی تێپەڕاندووە و ئێستاش زێدی خۆی بەجێهشت.
Balatarin

نوێترین هەواڵ


١٣٩٧/١١/٠٣ - ٢٣-٠١-٢٠١٩ - ١٦:٤٠ تاران

دوو هاووڵاتیی کورد بە ١٢ ساڵ زیندان مەحکووم کران

١٣٩٧/١١/٠٢ - ٢٢-٠١-٢٠١٩ - ١٦:٣٥ تاران

سپای پاسداران منداڵێکی خەڵکی شنۆی بانگهێشت کرد

١٣٩٧/١١/٠١ - ٢١-٠١-٢٠١٩ - ١٠:٢٩ تاران

هاووڵاتییەکی کورد بە ٧ ساڵ زیندان مەحکووم کرا

١٣٩٧/١٠/٣٠ - ٢٠-٠١-٢٠١٩ - ١٧:٠٠ تاران

دوو هاووڵاتیی کورد لە کرماشان و ورمێ دەسبەسەر کران

١٣٩٧/١٠/٣٠ - ٢٠-٠١-٢٠١٩ - ١٢:٢١ تاران

دەسبەسەرکردنی دوو هاووڵاتیی شنۆیی

١٣٩٧/١٠/٣٠ - ٢٠-٠١-٢٠١٩ - ١٠:١١ تاران

لاوێکی دەسبەسەر کراو لە ورمێ بە شێوەی کاتی ئازاد کرا

١٣٩٧/١٠/٢٩ - ١٩-٠١-٢٠١٩ - ١٧:٠٨ تاران

دەسبەسەرکردنی دوو هاووڵاتی کورد لە سنە

١٣٩٧/١٠/٢٩ - ١٩-٠١-٢٠١٩ - ١٠:٤٢ تاران

هاووڵاتییەکی کورد لە شنۆ دەسبەسەر کرا

١٣٩٧/١٠/٢٨ - ١٨-٠١-٢٠١٩ - ١١:١٥ تاران

ئازادی کاتی لاوێکی مەریوانی بە دانانی بارمتە