هاووڵاتییەکی کورد بانگهێشتی ئیتلاعاتی ورمێ کرا

١٣٩٧/٠٨/١٦ - ٠٧-١١-٢٠١٨ - ١١:٢٦ تارانچاپكردنی ئه‌م بابه‌ته‌ژماره‌ی بینینی بابه‌ت٧٦ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

هاووڵاتییەکی کورد بانگهێشتی ئیتلاعاتی ورمێ کرائاژانسی کوردپا: هاووڵاتییەکی کورد خەڵکی شاری ورمێ بانگهێشتی ئیدارەی ئیتلاعاتی ئەو شارە کرا و لێپرسینەوەی لەگەڵ کرا.

بەپێی هەواڵی گەیشتوو بە ئاژانسی هەواڵدەریی کوردپا، ڕۆژی سێشەممە ١٥ی خەزەڵوەر، هاووڵاتییەکی کورد بە ناوی "عەبدوڵڵا موکەڕەم" تەمەن ٦٧ ساڵ خەڵکی شارەکی "تەرزیلوو"ی شاری ورمێ بانگهێشتی ئیدارەی ئیتلاعاتی ورمێ کرا.

هێزە ئیتلاعاتییەکان لە ماوەی ڕابردوودا، چەندین کەڕەت چوونەتە سەر ماڵی ئەم هاووڵاتییە کوردە و گوشاریان خستووەتە سەر ناوبراو.

ئیدارەی ئیتلاعاتی ورمێ ئەم هاووڵاتییە کوردەی بە تۆمەتی "ئەندامبوونی منداڵەکانی لە یەکێک لە حیزبە کوردییەکانی ئۆپوزسیونی حکوومەتی ئێران" بانگهێشت و لێپرسینەوەیان لەگەڵ کردووە.

هێزە ئیتلاعاتییەکان گوشاریان خستووەتە سەر عەبدوڵڵا موکەڕەم کە منداڵەکانی لە ئەندامیەتی حیزبە کوردییەکانی ئۆپوزسیونی حکوومەتی ئێران دەربهێنێت و بیانگەڕێنێتەوە بۆ ئێران.

پێشتر، ئەم هاووڵاتییە کوردە چەندین جار بانگهێشتی ئیدارەی ئیتلاعات کراوە و بە شێوەی بەردەوام لەژێر چاوەدێریی هێزە ئەمنییەتییەکاندا بووە.
Balatarin

نوێترین هەواڵ


١٣٩٧/٠٨/٢٥ - ١٦-١١-٢٠١٨ - ١١:١٤ تاران

بەڕێوەچوونی خولێکی زمانی کوردی لە شاری سەوڵاوا

١٣٩٧/٠٨/٢٤ - ١٥-١١-٢٠١٨ - ١٠:٣٨ تاران

لاوێکی خەڵکی شاری بانە دەسبەسەر کرا

١٣٩٧/٠٨/٢٤ - ١٥-١١-٢٠١٨ - ١٠:١٥ تاران

ئیتلاعاتی سپا مامۆستایەکی مەریوانی بانگهێشت کرد

١٣٩٧/٠٨/٢٤ - ١٥-١١-٢٠١٨ - ٠٩:٣٧ تاران

چالاکێکی مەدەنیی بانگهێشتی ئیتلاعاتی شاری سەقز کرا

١٣٩٧/٠٨/٢٣ - ١٤-١١-٢٠١٨ - ١٠:٣٨ تاران

ئەگەری هەڵوەشاندنەوەی شۆرای شاری کرماشان

١٣٩٧/٠٨/٢٢ - ١٣-١١-٢٠١٨ - ١٧:١٢ تاران

مێرمنداڵێکی سەردەشتی کۆتایی بە ژیانی خۆی هێنا

١٣٩٧/٠٨/٢٢ - ١٣-١١-٢٠١٨ - ١٣:٥١ تاران

ژنێکی کورد لە زیندانی ناوەندیی شاری سنە ئێعدام کرا