زیاتر ٥١ لەسەدی ئێعدامەکانی جیهان لە ئێراندا ڕوو دەدات

١٣٩٧/٠٧/١٧ - ٠٩-١٠-٢٠١٨ - ١١:٥٨ تارانچاپكردنی ئه‌م بابه‌ته‌ژماره‌ی بینینی بابه‌ت٣٨٢ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

زیاتر ٥١ لەسەدی ئێعدامەکانی جیهان لە ئێراندا ڕوو دەداتئاژانسی کوردپا: لە مانگی ژانوویە هەتا مانگی سێپتامبری ساڵی ٢٠١٨ی زایینییەوە، لە ئێران ٢١٦ هاووڵاتیی لە سێدارە دراون.

تۆڕی مافی مرۆڤی مانیتوورینگی ئێران لە "ئینفوگرافیکـ"ـێکدا بڵاوی کردووە، کە لە ماوەی ٩ مانگدا، ٢١٦ هاووڵاتیی ئێرانی و کورد لە ئێراندا لە سێدارە دراون.

بەپێی ئەو سەرچاوەیە، لە ماوەی ئەو ٩ مانگەدا، لانیکەم ١٠ زیندانیی سیاسی بە ناوەکانی "ڕامین حوسێن‌پەناهی، زانیار و لوقمان مورادی، محەممەد سەلاس، کەماڵ ئەحمەدنژاد، ئەحەد شەباب، ناسر عزیزی، محەممەد و ئیسماعیل شەبەخش و حەیاتوڵڵا نوتی زەهی" لە ئێراندا لە سێدارە دراون.

هەروەها لەو ماوەیەدا، ٥ کەس کە تەمەنیان لە ژێر ١٨ ساڵ بووە، لە کاتی دەسبەسەرکرانیان بە ناوەکانی "ئەمیر حوسێنپوور جەعفەر، عەلی کازمی، مەحبووبە موفیدی، ئەبووڵفەزڵ چزانی شەرایی و زەینەب سکانوەند لرکانی" لە سێدارە دراون.

بەپێی ئەو سەرچاوەیە: لە مانگەکانی ژانوویە ١٧ کەس، فووریە ١٧ کەس، مارس ١٣ کەس، ئاڤریل ٣٣ کەس، مەی ١٦ کەس، ژوویەن ١٧ کەس، جوولای ٤١ کەس، ئووت ٣٠ کەس و سێپتامبر ٣٣ کەس لە زیندانییەکانی ئێراندا لە سێدارە دراون.

حوکمی لەسێدارەدان لە ئێراندا، نە تەنیا وەکوو سزا، بەڵکوو وەکوو ئامرازێک بۆ پاراستنی دەسەڵات لە بەرانبەر ناڕەزایەتیی خەڵکی ئێران و کوردستان کەڵکی لێ وەردەگیرێت.

بەپێی بڵاوکراوەکانی فەرمیی ڕێکخراوەکانی مافی مرۆڤ، "ئێران دووهەمین وڵات لە دوای چینە، کە زۆرترین ڕێژەی لەسێدارەدانی تێدا جێبەجێ دەکرێت و بە وڵاتێکی تەواو خراپ لە بوارەکانی مافی مرۆڤ دادەنرێت.
Balatarin

نوێترین هەواڵ


١٣٩٨/٠٣/٢٥ - ١٥-٠٦-٢٠١٩ - ١٧:٣٤ تاران

زەوتکردنی کەلوپەلی کاسبکاران لە پاوەدا

١٣٩٨/٠٣/٢٥ - ١٥-٠٦-٢٠١٩ - ١٢:٤١ تاران

سێ کۆمەڵە کتێبی هۆنراوەی منداڵان بڵاوکرایەوە

١٣٩٨/٠٣/٢٤ - ١٤-٠٦-٢٠١٩ - ١٣:٠٤ تاران

ژنێکی لاوی کامیارانی کۆتایی بە ژیانی خۆی هێنا

١٣٩٨/٠٣/٢٤ - ١٤-٠٦-٢٠١٩ - ١٢:١٨ تاران

کارەباگرتوویی، گیانی کرێکارێکی کوردی ئەستاند

١٣٩٨/٠٣/٢٣ - ١٣-٠٦-٢٠١٩ - ١٣:٤٢ تاران

KMMK – G خوازیاری ئازادیی بێمەرجی "زارا محەمەدی" بوو

١٣٩٨/٠٣/٢٣ - ١٣-٠٦-٢٠١٩ - ١١:٣٢ تاران

مامۆستایەکی مەریوانی بە کەفاڵەت ئازاد کرا

١٣٩٨/٠٣/٢٢ - ١٢-٠٦-٢٠١٩ - ١٢:٢٥ تاران

کرێکارانی شارەداریی شنۆ مانیان گرتووە

١٣٩٨/٠٣/٢١ - ١١-٠٦-٢٠١٩ - ١١:٥٧ تاران

کاسبکارێکی کورد لە سەردەشتدا بریندار بوو

١٣٩٨/٠٣/٢٠ - ١٠-٠٦-٢٠١٩ - ١٨:٢٠ تاران

ناوەندی "ڤەژین" ، چەندین خولی فێرکاری بەڕێوەدەبات