یادی مامۆستا شەپۆل لە شاری سنە بەرز ڕاگیرا

١٣٩٧/٠٣/٢٢ - ١٢-٠٦-٢٠١٨ - ١٨:٢٣ تارانچاپكردنی ئه‌م بابه‌ته‌ژماره‌ی بینینی بابه‌ت٥٤٢ قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌

یادی مامۆستا شەپۆل لە شاری سنە بەرز ڕاگیرائاژانسی کوردپا: ڕێوڕەسمێک بۆ یادکردنەوەی دوکتور "محەممەد ساڵح ئیبراهیمی" ناسراو بە "مامۆستا شەپۆل" لە شاری سنە بەڕێوە چوو.

بەپێی هەواڵی گەیشتوو بە ئاژانسی هەواڵدەریی کوردپا، ڕۆژی دووشەممە ٢١ی جۆزەردان، ڕێوڕەسمی یادکردنەوەی دوکتور "محەممەد ساڵح ئیبراهیمی" لە لایەن ئەنجومەنی ئەدەبیی "ئادان"ی شاری سنە لە ساڵۆنی کۆبوونەوەکانی کتێبخانەی ناوەندی ئەو شارە بەڕێوە چوو.

لەو ڕێوڕەسمەدا، ژیاننامە و کەسایەتی دوکتور محەممەد ساڵح ئیبراهیمی لە لایەن ئازاد ئیبراهیمی و شایستە ئیبراهیمی(کچ و کوڕی) مامۆستا شەپۆل بە بەشداری بنەماڵەی ئیبراهیمی، پێشکەش بە بەشداربووانی ئەو ڕێوڕەسمە کرا.

هەروەها، چەند کەسی دیکە وەک "حەسەن گۆران، نجەمەدین دەرفش و ڕەحیم لوقمانی" لە سەر مامۆستا شەپۆڵ چەند وتەیەکیان پێشکەش کرد.

ئەو ڕێوڕەسمە بە خوێندنی چەند شێعرێک لە لایەن شاعێرانی کورد، "فەرید سەفاری (فەرید_ڕاژین)، هەڵاڵە سوهرابی، ناسر عەبدوڵلاهی و ڕاستین"، کۆتایی پێهات.

دوکتور "محەممەدساڵح ئیبراهیمی" ناسراو بە "شەپۆل" ساڵی ١٣١٢ی هەتاوی لە بنەماڵەیەکی زانا و نیشتمانپەروەر لە شاری مەهاباد لەدایک بوو.

مامۆستا شەپۆل ٣٥ بەرهەمی لە چاپدراوی هەیە کە هەر یەک لەم بەرهەمانە گەنجینەیەکی تایبەتن بۆ دەوڵەمەندیی هەرچی زیاتری کتێبخانەی کوردی.

مامۆستا شەپۆل ڕۆژی ٥ی جۆزەردانی ١٣٩٧ی هه‌تاوی دوای ماوەیه‌کی کورت ململانێ لەگه‌ڵ نه‌خۆشی له تاران کۆچی دوایی کرد و بڕیاره له شاری مەهاباد به خاک بسپێردرێ.
Balatarin

نوێترین هەواڵ


١٣٩٨/٠٤/٢٥ - ١٦-٠٧-٢٠١٩ - ١٧:٣١ تاران

ئازادکرانی چوار لاوی بەندکراوی کورد لە شاری سنە

١٣٩٨/٠٤/٢٥ - ١٦-٠٧-٢٠١٩ - ١٣:٠٠ تاران

ڕۆمانی "١١ خولەک"، لە بازاڕەکانی تورکیە کۆکرایەوە

١٣٩٨/٠٤/٢٥ - ١٦-٠٧-٢٠١٩ - ١١:٣٦ تاران

چالاکێکی فەرهەنگیی کوردی خوراسان، زێدی خۆی بەجێهێشت

١٣٩٨/٠٤/٢٤ - ١٥-٠٧-٢٠١٩ - ١٣:٣٦ تاران

سێ هاووڵاتی لە شاری "سایین ‌قەڵا" دەسبەسەر کران

١٣٩٨/٠٤/٢٤ - ١٥-٠٧-٢٠١٩ - ١٣:١٢ تاران

کۆڵبەرێکی کورد لە "دۆڵەبیـ"ـی سەردەشت گیانی لەدەست دا

١٣٩٨/٠٤/٢٤ - ١٥-٠٧-٢٠١٩ - ١١:٢٣ تاران

چوار هاووڵاتیی کورد لە مەریوان دەسبەسەر کران

١٣٩٨/٠٤/٢٣ - ١٤-٠٧-٢٠١٩ - ١٧:١٧ تاران

هاووڵاتییەکی کورد لە "سایین قەڵا" دەستبەسەر کرا

١٣٩٨/٠٤/٢٣ - ١٤-٠٧-٢٠١٩ - ١٧:٠٨ تاران

کۆڵبەرێکی کورد لە سنووری "خۆیـ"دا بریندار بوو

١٣٩٨/٠٤/٢٣ - ١٤-٠٧-٢٠١٩ - ١٢:٠٤ تاران

هونەرمەندێکی کورد زێدی خۆی بەجێهێشت

١٣٩٨/٠٤/٢٣ - ١٤-٠٧-٢٠١٩ - ١١:١٤ تاران

دەسبەسەرکردنی هاووڵاتییەک لە شاری شنۆ